لندن سے لاس اینجلس کے لئے ورجن اٹلانٹک کی پرواز کو ہنگامی صورتحال میں واپس ہیتھرو ایئرپورٹ پر اتار لیا گیا۔
ایوی ایشن ذرائع کے مطابق ورجن اٹلانٹک کی پرواز وی ایس 23 مقامی وقت کے مطابق شام 6 بجکر 7 منٹ پر لندن کے ہیتھرو انٹرنیشنل ایئرپورٹ سے امریکا کے لاس اینجلس ایئرپورٹ کے لیے روانہ ہوئی۔
بوئنگ 787 ڈریم لائنر طیارہ ٹیک آف کے نصف گھنٹے بعد تک برطانیہ کی فضائی حدود میں ہی تھا کہ طیارے میں فنی خرابی پیدا ہوگئی۔
فلائٹ ریڈار کو بھی طیارے سے ایمرجنسی کے سگنلز موصول ہوئے۔
روانگی کے لگ بھگ سوا گھنٹے بعد برطانوی ایئرلائن کا طیارہ واپس ہیتھرو انٹرنیشنل ایئرپورٹ پر لینڈ کر گیا۔