خان یونس میں ایک گھر پر اسرائیلی بمباری میں 10 فلسطینی شہید

25
Print Friendly, PDF & Email

اسرائیلی فوج کی بمباری سے تباہ ہونے والے گھر کے ملبے میں دبے متعدد افراد ابھی لاپتہ ہیں۔فوٹو نیوز ایجنسی
اسرائیلی فوج کی بمباری سے تباہ ہونے والے گھر کے ملبے میں دبے متعدد افراد ابھی لاپتہ ہیں۔فوٹو نیوز ایجنسی

غزہ میں اسرائیلی کی وحشیانہ بمباری کا سلسلہ تھما نہیں، خان یونس میں ایک گھر پر اسرائیلی بمباری میں 10 فلسطینی جاں بحق اور متعدد افراد زخمی ہوگئے۔

اسرائیلی فوج کی بمباری سے تباہ ہونے والے  گھر کے ملبے میں دبے متعدد افراد ابھی لاپتہ ہیں، رفح شہر منتقل ہونے والے غزہ کے بے گھرافراد کیلئے مایوس کن حالات ہیں، رہائشی علاقوں میں بمباری سے کل سے اب تک 150 فلسطینی شہید ہوگئے۔

تقریباً 30 فضائی حملوں سے رفح کو خان ​​یونس اور غزہ پٹی کے باقی حصوں سے ملانے والی دو اہم سڑکیں تباہ کردی گئیں۔ 

خان یونس سے رفح نقل مکانی کرنے والوں کےلیے مشکلات بڑھ گئیں، تشویش بڑھ رہی ہے کہ اسرائیل کی فوجی کارروائی رفح شہر تک پھیل رہی ہیں۔

اسرائیلی فوج کی جانب سے اسپتالوں اور ایمبولنسوں پر بھی حملے جاری ہیں، جس میں 2 طبی ملازمین جاں بحق ہوگئے۔

اقوام متحدہ کا کہنا ہے اسرائیل فلسطینیوں کو غزہ سے مصر دھکیلنے کے منصوبے پر عمل پیرا ہے، یہی صورتحال رہی تو یہ دوسرا نکبا ہوگا، غزہ کی سر زمین فلسطینیوں کی نہیں رہے گی۔

اسرائیلی میڈیا کی رپورٹ میں کہا گیا ہے کہ غزہ جنگ مزید 2 ماہ تک جاری رہ سکتی ہے، اس دوران باقی قیدیوں کی رہائی کیلئے نئے معاہدوں کی کوشش بھی کی جائے گی۔

غزہ میں اسرائیلی فوج کی بمباری میں شہداء کی تعداد 18 ہزار کے قریب پہنچ گئی۔

جواب چھوڑیں

آپ کا ای میل ایڈریس شائع نہیں کیا جائے گا.