سفیر پاکستان فیصل نیازترمذی کو خصوصی ایوارڈ سے نوازا گیا

خلیفہ انٹرنیشنل ایوارڈبرائے کھجوروزرعی جدت کے  17ویں سیشن 2025 کے فاتحین میں ایوارڈز کی تقسیم 

سفیر پاکستان فیصل نیازترمذی کو خصوصی ایوارڈ سے نوازا گیا۔

یہ ایوارڈ زرعی اقدامات کی مضبوطی اوردوطرفہ تعلقات کوفروغ دینے کے لیئے دیاگیا۔

 ابوظہبی(نیوزڈیسک)::نائب صدرونائب وزیراعظم یواے ای وچئیرمین صدارتی عدالت عزت مآب شیخ منصوربن زاید آلنہیان کی سرپرستی اوروزیربرائے رواداری وبقائے باہمی وچئیرمین بورڈ آف ٹرسٹیز خلیفہ انٹرنیشنل ایوارڈ برائے کھجوروزرعی جدت جناب شیخ نہیان بن مبارک آلنہیان کی موجودگی میں خلیفہ انٹرنیشنل ایوارڈبرائے کھجوروزرعی جدت کے  17ویں سیشن 2025 کے فاتحین میں تقسیم ایوارڈ کی پروقار تقریب ایمیریٹس پیلس ہوٹل ابوظہبی میں منعقد ہوئی۔  جس میں سرکردہ قومی اور بین الاقوامی تنظیموں اور ممتاز افراد کو اس شعبے میں ان کی اختراعی شراکت کے لیے *ایوارڈز سے نوازاگیا*۔ جس میں دیگر ایوارڈ حاصل کرنے والی ممتازشخصیات کے ساتھ ساتھ سفیرپاکستان جناب فیصل نیاز ترمذی کو دو طرفہ تعلقات کو آگے بڑھانے اور پاکستان کے زرعی اقدامات کو مضبوط بنانے میں ان کے غیر متزلزل عزم اور اہم کردار کے اعتراف میں خصوصی ایوارڈ سے نوازا گیا۔ یہ اعزاز پاکستان اور متحدہ عرب امارات کے درمیان مضبوط اقتصادی اور تکنیکی تعاون کو فروغ دینے کے لیے ان کی مستقل لگن کی نشاندہی کرتا ہے۔

تقریب میں وفاقی وزیر برائے نیشنل فوڈ سیکیورٹی اینڈ ریسرچ رانا تنویر حسین نے بھی شرکت کی۔ تقریب کے دوران پاکستان کی وفاقی وزارت برائے نیشنل فوڈ سیکیورٹی اینڈ ریسرچ اور خلیفہ انٹرنیشنل ایوارڈ برائے کھجور اور متحدہ عرب امارات کے زرعی اختراع کے درمیان مفاہمت کی یادداشت پر بھی دستخط کیے گئے۔یاد رہے اس تقریب میں پاکستان کے معروف محقق پروفیسرڈاکٹرغلام سرور مرخند کوکھجور اور زرعی اختراع کی بااثر شخصیات کی کیٹیگری میں ایوارڈسے نوازاگیاتھا