قونصل خانہ پاکستان دبئی میں78ویں یوم آزادی پرپروقارتقریب کااہتمام
قونصل جنرل پاکستان جناب حسین محمد نے پرچم کشائی کی رسم اداکی۔
تقریب میں پاکستانی کمیونٹی کی بڑی تعداد میں شرکت۔
اس موقع پر صدرپاکستان،وزیراعظم اورنائب وزیراعظم کے پیغامات پڑھ کر سنائے گئے۔
دبئی(نیوزڈیسک)::گزشتہ روز14اگست کو پاکستان کے 78ویں یوم آزادی کے موقع پر پاکستان قونصلیٹ دبئی میں پرچم کشائی کی پروقارتقریب کاانعقادکیاگیا۔جس میں پاکستانی کمیونٹی کی بہت بڑی تعداد نے شرکت کی۔اس موقع پرصدرپاکستان، وزیراعظم اور نائب وزیراعظم کے پیغامات ہیڈ اف چانسری فواد احمد ، کیمونیٹی ویلفیر اتاشی جنید مرتضی نے پڑھ کر سنائے۔دبئی میں پاکستان کے قونصل جنرل حسین محمد نے کمیونٹی ممبران کا پرتپاک خیرمقدم کیا اور آج کے تاریخی دن پر دلی مبارکباد پیش کی۔
قونصل جنرل نے حالیہ بیرونی جارحیت کے مقابلے میں پاکستان کی لچک اور اتحاد کو خراج تحسین پیش کرتے ہوئے مارکہ حق اور آپریشن بُنیان اُم مروس میں کامیابیوں کو تاریخی سنگ میل کے طور پر اجاگر کیا۔ انہوں نے ان کامیابیوں کو پاکستان کی پیشہ ورانہ مہارت اور غیر متزلزل قومی عزم کی روشن مثال قرار دیا۔
انہوں نے پاکستانی تارکین وطن پر زور دیا کہ وہ متحدہ عرب امارات اور پاکستان دونوں کی ترقی میں اپنا تعمیری کردار ادا کرتے رہیں، میزبان ملک کی خوشحالی اور وطن کے لیے ان کے تعاون کو سراہتے ہیں۔
متحدہ عرب امارات کی حکومت سے اظہار تشکر کرتے ہوئے، قونصل جنرل نے 10 اگست 2025 کو ایکسپو سٹی دبئی میں ایمریٹس لوز پاکستان کی جانب سے پاکستان ایسوسی ایشن دبئی کے تعاون سے منعقد کی جانے والی شاندار پاکستان یوم آزادی کی تقریبات کے لیے ان کی حمایت کا اعتراف کیا۔
تقریب میں پاکستان ایجوکیشن اکیڈمی دبئی کے طلباء کی جانب سے قومی گیتوں کی پرفارمنس اور کوئز مقابلہ بھی شامل تھا۔پا کستان کی سلامتی خوشحالی اور ترقی کے لئے خصوصی دعا بھی کی گئی
