قومی کرکٹ ٹیم کے نوجوان فاسٹ بولر نسیم شاہ نے کندھے کی انجری سے چھٹکارا پا لیا۔
تفصیلات کے مطابق نسیم شاہ نے کندھے کی انجری سے چھٹکارا پاکر انگلینڈ میں ٹریننگ کا آغاز کر دیا ہے۔
Tough times don’t last, but tough ppl do!!
Alhamdullilah, back in the nets practising with the white ball.#GoGlos #Gloucestershire pic.twitter.com/tTEURxHVWd
— Naseem Shah (@iNaseemShah) April 26, 2022
ان کا کہنا ہے کہ اب میں نے وائٹ بال کرکٹ کی ٹریننگ شروع کر دی ہے، میں اب وائٹیلٹی بلاسٹ میں حصہ لوں گا۔
نسیم شاہ کا کہنا ہے کہ وائٹیلٹی بلاسٹ کے بعد گلوسٹر شائر کی جانب سے مزید کاؤنٹی میچز کھیلوں گا۔
واضح رہے کہ نسیم شاہ گلوسٹرشائر کی جانب سے کھیلتے ہوئے کندھے کی انجری کا شکار ہوئے تھے۔
19 سالہ پاکستانی انٹرنیشنل اسٹار کو نارتھنٹس میں سیزن کے ابتدائی ہفتے میں چوٹ لگی تھی جس کے باعث وہ کاؤنٹ چیمپئن شپ سے باہر ہوگئے تھے۔
گلوسٹر شائر اور پاکستان کرکٹ بورڈ کی میڈیکل ٹیموں کے درمیان ہونے والی بات چیت کے بعد یہ فیصلہ کیا گیا تھا کہ نسیم شاہ پر کام کے بوجھ کو کم رکھا جائے تاکہ وہ جلد سے جلد اور محفوظ طریقے سے مکمل فٹنس پر واپس آ سکیں۔