قومی کرکٹ ٹیم کے سابق کپتان شاہد آفریدی نے کہا ہے کہ بھارتی مایہ ناز بلےباز ویرات کوہلی شاید اب نمبر 1 بلے باز نہیں بننا چاہتے۔
تفصیلات کے مطابق شاہد آفریدی نے اپنے ایک بیان میں کہا کہ کرکٹ میں رویہ سب سے زیادہ اہمیت رکھتا ہے، یہ کہ کوہلی، اپنے کیریئر کے شروع میں، دنیا کا نمبر 1 بلے باز بننا چاہتا تھا کیا وہ اب بھی اسی حوصلہ کے ساتھ کرکٹ کھیل رہا ہے؟ یہ بڑا سوال ہے لیکن کیا وہ واقعی دوبارہ نمبر 1 بننا چاہتا ہے؟ یا اسے لگتا ہے کہ اس نے زندگی میں سب کچھ حاصل کر لیا ہے؟
سابق کپتان نے مزید کہا کہ آنے والی ٹیسٹ اور وائٹ بال سیریز کوہلی کے لیے ٹاپ فلائٹ بلے باز کے طور پر اپنی کھوئی ہوئی حیثیت کو حاصل کرنے کا بہترین موقع ہوگا، یہ ہمیں دکھائے گا کہ آیا اس نے اپنا پرائم پاس کر لیا ہے یا اسے اپنے تکنیکی مسائل کو ختم کرنے اور اس اعتماد کو واپس حاصل کرنے کے لیے مزید وقت درکار ہے۔
واضح رہے کہ ویرات کوہلی اپنی حالیہ پرفارمنس کی وجہ سے کافی تنقید میں ہیں انہوں نے آخری سینچری 2019 میں بنگلادیش کے خلاف اسکور کی تھی۔
Advertisement