پاکستان کرکٹ کی تاریخ میں کئی کامیاب ترین اوپننگ جوڑیاں آئیں اور اپنی شراکت داری سے سب کو حیران کردیا۔
تفصیلات کے مطابق حالیہ دنوں میں پاکستان ٹیم میں بہترین اوپننگ جوڑی کپتان بابر اعظم اور امام الحق کی ہے ،جو کہ آئی سی سی کی ون ڈے عالمی درجہ بندی میں بالترتیب پہلے اور دوسرے نمبر پر براجمان ہیں۔
بابر اعظم اور امام الحق نے اب تک 28 اننگز میں پاکستان کے لئے اوپننگ کی اور 2104 رنز بنائے۔
ان دونوں بلے بازوں نے 10 بار 50 سے زائد رنز کی شراکت داری قائم کی اور 8 بار تین ہندسوں سے زائد کی شراکت قائم کی۔
دونوں بلے بازوں نے 77.92 کی اوسط سے رنز بنائے۔
Advertisement
واضح رہے کہ حال ہی میں ہونے والی ون ڈے سیریز میں پاکستان نے ویسٹ انڈیز کو کلین سویپ کیا جس میں امام الحق کو مین آف دی سیریز کا ایوارڈ دیا گیا۔