بائیں ہاتھ کے بلے باز ریلی روسو کا کہنا ہے کہ وہ دوبارہ جنوبی افریقہ کے لیے کھیلنا چاہتے ہیں لیکن سلیکٹرز نے ابھی تک ان سے رابطہ نہیں کیا ہے۔
تفصیلات کے مطابق رائلی روسو آخری بار 2016 میں جنوبی افریقہ کے لیے کھیلے تھے کیونکہ انھوں نے ہیمپشائر کے ساتھ تین سالہ کولپاک معاہدے پر دستخط کیے تھے جس کی وجہ سے وہ اپنے ملک کی نمائندگی کرنے کے لئے نااہل ہو گئے تھے۔
روسو پاکستان سپر لیگ(پی ایس ایل) میں ملتان سلطانز کی طرف سے کھیلتے رہے ہیں اور اس وقت وہ ٹی ٹوئنٹی بلاسٹ میں سمرسیٹ کی نمائندگی کر رہے ہیں جہاں انہوں نے 191.72 کے اسٹرائیک ریٹ سے 278 رنز بنائے ہیں۔
انہوں نے کہا کہ میں دوبارہ جنوبی افریقہ کے لیے کھیلنا چاہوں گا،اگر ہم صرف اتفاق کر سکتے ہیں تو بیرون ملک شرکت کی بات کرنے میں کوئی فرق نہیں ہے۔
روسو نے کہا کہ رگبی میں ایک کھلاڑی کو جنوبی افریقہ کے لیے منتخب کیا جاتا ہے چاہے وہ صرف بیرون ملک کھیلتا ہو میں اس سے متفق نہیں ہوں کہ بیرون ملک کھیلنے سے کسی کھلاڑی کو اپنے ملک کی نمائندگی کرنے سے روکنا چاہیے۔
Advertisement
32 سالہ کھلاڑی نے اس بات پر بھی روشنی ڈالی کہ وہ پہلے کے مقابلے میں اب بہت بہتر کھلاڑی ہیں کیونکہ وہ باقاعدگی سے فرنچائز کرکٹ کھیلتے رہے ہیں۔
واضح رہے کہ رائلی روسو نے اپنے ملک کے لیے کل 36 ون ڈے کھیلے ہیں، جہاں انہوں نے 38.71 کی اوسط سے 1,239 رنز بنائے ہیں۔