وزیراعظم انوارالحق کاکڑ کا3روزہ دورہء متحدہ عرب امارات
ابوظہبی(اردوویکلی)::وزیراعظم انوار الحق کاکڑ آج 3روزہ سرکاری دورے پرمتحدہ عرب امارات پہنچیں گے۔ دورے کے دوران وزیراعظم متحدہ عرب امارات کے صدر عزت مآب شیخ محمد بن زایدآلنہیان سے ملاقات کریں گے۔ یہ ملاقات سیاسی، اقتصادی، تجارتی، سرمایہ کاری، ثقافتی، دفاع اور دونوں ممالک کے عوام کے درمیان تعلقات سمیت دیگر شعبوں میں دو طرفہ تعلقات کو آگے بڑھانے کا موقع فراہم کرے گی۔
دورے میں پاکستان اور متحدہ عرب امارات کے درمیان توانائی، پورٹ آپریشنز کے منصوبوں، ویسٹ واٹر ٹریٹمنٹ، فوڈ سیکیورٹی، لاجسٹک، کان کنی، ایوی ایشن اور بینکنگ اینڈ فنانشل سروسز کے شعبوں میں سرمایہ کاری کے تعاون سمیت مختلف شعبوں میں مفاہمت کی یادداشتوں پر دستخط کیے جائیں گے۔یاد رہےپاکستان اور متحدہ عرب امارات کے درمیان دیرینہ برادرانہ تعلقات وقت کے ساتھ مزید مضبوط ہوئے ہیں۔
