قومی ٹیم کے سابق کپتان شاہد خان آفریدی نے مسجد نبویؐ میں پیش آنے والے واقعے پر شدید الفاظ میں مذمت کی ہے۔
سماجی رابطے کی ویب سائٹ پر ٹوئٹ کرتے ہوئے پاکستان کرکٹ ٹیم کے سابق کپتان شاہد آفریدی نے کہا کہ ہم سیاسی دشمنیاں نبھانے کے لئے حرم کی حرمت تک بھول گئے ، یہ وہ جگہ ہے جہاں آواز بلند کرنے کی بھی ممانعت ہے لیکن ہم اپنی سیاسی دشمنیاں نبھانے کے لیے حرم کی حرمت تک بھول گئے۔
یہ وہ جگہ ہے جہاں آواز بلند کرنے کی بھی ممانعت ہے مگر ہم اپنی سیاسی دشمنیاں نبھانے کے لئے حرم کی حرمت تک بھول گئے۔ریاست مدینہ کے تقدس سے بھی منکر ہو گئے۔نعرے لگانے والوں کی پہچان تو ہو جائے گی لیکن پاکستان کی شناخت کو آج ناقابل تلافی نقصان پہنچا ہے۔ pic.twitter.com/GesGxrftQE
— Shahid Afridi (@SAfridiOfficial) April 28, 2022
سابق کپتان نے ٹوئٹ میں مزید کہا کہ ہم ریاست مدینہ کے تقدس سے بھی منکر ہو گئے ، نعرے لگانے والوں کی پہچان تو ہو جائے گی لیکن پاکستان کی شناخت کو آج ناقابل تلافی نقصان پہنچا ہے۔
یہ بھی پڑھیں؛ مسجد نبویؐ واقعے پر متعدد پاکستانیوں کو گرفتار کرلیا گیا
خیال رہے کہ گزشتہ روز وزیراعظم شہباز شریف کی وفد کے ہمراہ مسجد نبوی ﷺ آمد پر وہاں موجود پاکستانیوں نے ’چور چور‘ کے نعرے لگائے تھے۔
دوسری جانب سعودی سفارتخانے کی جانب سے گزشتہ روز مقدس مقامات کی توہین کرنے والے پاکستانیوں کو گرفتار کرنے کی تصدیق کرتے ہوئے کہا گیا کہ متعدد پاکستانیوں کو قواعد و ضوابط کی خلاف ورزی پر گرفتار کیا گیا ہے۔