طالبان حکومت نے اپنی فورسز کی بھارت میں عسکری تربیت پر آمادگی کا اظہار کردیا ہے۔
غیر ملکی چینل کو انٹرویو دیتے ہوئے افغان وزیر خارجہ عبداللہ یقوب کا کہنا تھا کہ طالبان حکومت کو افغان فورسز کی بھارت میں ٹریننگ پر کوئی اعتراض نظر نہیں ہے۔
افغان وزیر خارجہ کا کہنا تھا کہ بالکل اس میں ہمیں کوئی مسئلہ نہیں ہے، افغان بھارت تعلقات مستحکم ہوں گے اور اس معاملے پر غور کیا جاسکتا ہے، اس میں کوئی مسئلے کی بات نہیں ہے۔
انٹرویو کے دوران افغان وزیر خارجہ نے واضح کیا کہ ہم بھارت سمیت دیگر تمام ممالک کے ساتھ اچھے اور مستحکم سفارتی تعلقات کے خواہاں ہیں۔ بھارت کے ساتھ سیاسی اور سفارتی تعلقات کی بنیاد پر ہی دفاعی تعلقات کے بارے میں آمادہ ہوں گے۔
وزیر دفاع نے زور دیا کہ پاکستان اور بھارت اپنے تعلقات میں بہتری کے لیے مذاکرات کا راستہ اپنائیں، طالبان انتظامیہ دنوں ممالک کے دوطرفہ معاملات میں مداخلت نہیں کرنا چاہتی۔
Advertisement
انہوں نے مزید کہا کہ ہم دہشت گردی کے لیے پاکستان کو افغان سرزمین استعمال کرنے نہیں دیں گے اور اسی طرح بھارت کو پاکستان کے خلاف دہشت گردی کے افغانستان کی سرزمین استعمال کرنے نہیں دیں گے۔
یادرہے، امریکی انخلاء کے بعد بھارت اور طالبان حکومت میں تنازعات شدت اختیار کرگئے تھے۔ بھارتی حکومت طالبان کے خلاف ہے تاہم، مذکورہ بالا بیان سے یہ ظاہر ہے کہ تعلقات میں میں موجود سرد مہری ختم ہونے کو ہے۔