انگلینڈ میں بھارت کے خلاف ٹیسٹ میں انگلش بولر اسٹیورٹ براڈ نے ایک اوور میں سب سے زیادہ 35 رنز دینے کا منفی عالمی ریکارڈ اپنے نام کر لیا۔
تفصیلات کے مطابق آج ٹیسٹ میچ کے دوسرے دن ایجبسٹن میں بھارت کے خلاف ٹیسٹ اوور میں 35 رنز دے کر ایک نیا عالمی ریکارڈ قائم کر دیا۔
واضح رہے کہ انگلینڈ کے اسٹیورٹ براڈ ٹی ٹوئنٹی میں بھی بھارت کے یوراج سنگھ کے ہاتھوں ایک اوور میں چھ چھکے کا منفی عالمی ریکارڈ اپنے نام کر چکے ہیں۔
بھارت کے کپتان جسپریت بمراہ نے براڈ کے ایک اوور میں بلے سے 29 رنز بنائے جس میں چار چوکے اور دو چھکے شامل تھے، جسپریت بمرا نے ایک چھکا نو بال پر لگایا تھا۔
اسٹیورٹ براڈ کے اس اوور میں وائیڈ بال پر تھرڈ مین پر چوکا لگا، مجموعی طور پر انہوں نے دو رنز ایکسٹرا کے دیئے، جن میں سے ایک پر چوکا اور ایک پر چھکا لگا ، جبکہ آخری بال پر سنگل رن بنا۔
اس سے پہلے ایک ٹیسٹ اوور میں سب سے زیادہ رنز 28 تھے، یہ کارنامہ طویل فارمیٹ کی 145 سالہ تاریخ میں تین بار حاصل کیا گیا۔
Advertisement
جسپریت بمرا پہلی مرتبہ بھارتی ٹیم کی قیادت کر رہے ہیں، اس عالمی ریکارڈ سے قبل بھارت کا اسکور 9 وکٹوں کے نقصان پر 377 رنز تھا، یہ ریکارڈ اننگ کے 84 ویں اوور میں بنا۔
بمراہ نے اوور کی پہلی گیند کو اوپر والے کنارے پر چار کے لیے ہک کیا اور اگلی ہی گیند پر ایک باؤنسر وکٹ کیپر سیم بلنگز کے سر پر پانچ رنز وائیڈ کے دے گیا۔
اگلی گیند نو بال تھی جس پر جسپریت نے شاندار چھکا رسید کیا، اور نو بال کا اضافی رن بھی ملا۔
براڈ کی اگلی ڈلیوری کو بمرا نے مڈ آن پر خوبصورت 4 رنز کی باؤنڈری میں تبدیل کیا۔
براڈ کی اگلی بال جسپریت بمرا کے بلے کا اندرونی کنارہ لگ کر وکٹ کیپر کے پیچھے باؤنڈری لائن پار کر گئی۔
جسپریت بمرا کے لاٹھی چارج پر براڈ کی گھبراہٹ چہرے سے عیاں تھا، اگلی بال پر مڈ وکٹ پر شاندار چوکے نے بمرا کے عزائم کو مزید خطرناک بنا دیا۔
اوور کی اگلی گیند پر بمرا نے ڈیپ بیکورڈ اسکوائر پر شاندار چھکا لگایا لگایا، اور اوور کا اختتام سنگل رن پر کیا۔