ڈربی شائر کی ٹیم شان مسعود کی کپتانی میں کھیلنے والی میچ میں کچھ خاص نہ کرسکی اور اسے بھارت کے ہاتھوں 7 وکٹوں سے شکست ہوئی۔
پاکستانی اوپنر شان مسعود نے ڈربی شائر کی کپتانی کرتے ہوئے بھارت کے خلاف وارم اپ ٹی ٹوئنٹی میچ کھیلا اور 8 رنز اسکور کیے۔
میچ میں بھارت نے 151 رنز کا مطلوبہ ہدف سترویں اوور میں پورا کرلیا۔
یہ بھی پڑھیں: شان مسعود بھارت کے خلاف میچ سے قبل کھل کر سامنے آگئے
ڈربی شائر کے کپتان شان مسعود کا بھارت کے خلاف میچ سے قبل کہنا ہے کہ روایتی حریفوں کے خلاف میدان میں اترنا ہر پاکستانی کرکٹر کا خواب ہوتا ہے لیکن میرے لیے یہ صرف ایک کرکٹ میچ ہے۔
Advertisement
بھارت کے خلاف وارم اپ میچ سے قبل شان مسعود نے کہا تھا کہ میں جانتا ہوں کہ پاک بھارت دشمنی بہت اہمیت کی حامل ہے۔
دوسری جانب کاؤنٹی میچ میں محمد عامر نے گلوسٹر شائر کی نمائندگی کرتے ہوئے ایک وکٹ حاصل کی۔
محمد عامر ہیمپشائر کے خلاف صرف 3 گیندیں ہی کروا پائے اور سائڈ اسٹرین انجری کے باعث گراؤنڈ سے باہر چلے گئے۔
علاوہ ازیں قومی ٹیم کے آل راؤنڈر شاداب خان نے یارک شائر کی نمائندگی کرتے ہوئے 38 رنز کے عوض 2 وکٹیں حاصل کیں، شاداب خان نے برمنگھم بیئرز کے خلاف 8 گیندوں پر 15 رنز اسکور کیے۔