ویسٹ انڈیز نے تیسرے ٹی ٹوئنٹی میچ میں بنگلادیش کو 5 وکٹوں سے شکست دے کر سیریز 0-2 سے اپنے نام کرلی۔
تیسرے اور آخری ٹی ٹوئنٹی میچ میں مہمان ٹیم بنگلادیش نے ٹاس جیت کر پہلے بیٹنگ کرتے ہوئے مقررہ 20 اوورز میں 5 وکٹوں کے نقصان پر 163 رنز بنائے۔
عفیف حسین 50 اور لٹن داس 49 رنز بناکر نمایاں رہے۔ کپتان محمود اللہ 22 ، انعام الحق 10 اور شکیب الحسن 5 رنز بناکر آؤٹ ہوئے۔
مصدق حسین 10 اور نور الحسن 2 رنز بناکر ناٹ آؤٹ رہے۔
ویسٹ انڈیز کی جانب سے ہیڈن واش جونیئر نے 2 جبکہ اوڈیان اسمتھ اور روماریو شیفرڈ نے ایک ایک وکٹ حاصل کی۔
Advertisement
Too good in Guyana
West Indies stride to a 2-0 T20I series win against Bangladesh!#WIvBAN pic.twitter.com/4Ljg05KcZx
— ICC (@ICC) July 8, 2022
جواب میں ویسٹ انڈیز نے کپتان نکولس پوران کی ناقابل شکست جارحانہ 74 رنز کی اننگز کی بدولت باآسانی 10 گیندوں قبل ہی حاصل کرلیا ۔
کائل مایرز نے بھی 55 رنز کی شاندار اننگز کھیلی۔شمراہ بروکس 12، برینڈن کنگ 7، رومان پاول 5 اور اوڈیان اسمتھ 2 رنز بناکر آؤٹ ہوئے جبکہ عقیل حسین 3 رنز بناکر ناٹ آؤٹ رہے۔
بنگلادیش کی جانب سے نسوم احمد نے 2 جبکہ مہدی حسن، شکیب الحسن اور عفیف حسین نے ایک ایک وکٹ حاصل کی۔
نکولس پوران میچ کے بہترین کھلاڑی کے ساتھ ساتھ سیریز کے بہترین کھلاڑی بھی قرار پائے۔
واضح رہے کہ دونوں ٹیموں کے مابین پہلا میچ بارش کی نظر ہوگیا تھاجبکہ دوسرے میچ میں ویسٹ انڈیز نے 35 رنز سے فتح حاصل کی تھی۔