شدید گرمی کے باعث یورپ کے کئی ممالک کے جنگلات میں آگ بھڑک اٹھی
برطانیہ سمیت یورپ کے کئی ممالک شدید گرمی کی لپیٹ میں ہیں جبکہ شدید گرمی کے باعث جنگلات میں آگ بھڑک اٹھی ہے۔
غیر ملکی میڈیا کے مطابق برطانیہ سمیت یورپ کے کئی ممالک شدید گرمی کی لہر جاری ہے جبکہ شدید گرمی کے باعث جنگلات میں آگ بھڑک اٹھی ہے۔
رپورٹ کے مطابق برطانیہ میں آج اورکل درجہ حرارت 41 ڈگری سینٹی گریڈ تک پہنچنے کا امکان ہے، شدید گرمی کے باعث فرانس، پرتگال، اسپین، یونان اورکروشیا کے جنگلات میں آگ بھڑک اٹھی ہے۔
آگ کے باعث ہزاروں افراد نقل مکانی کرنے پرمجبور ہوگئے ہیں جبکہ برطانوی محکمہ موسمیات کا کہنا ہے کہ پرتگال میں 75 ہزار ایکڑ اورفرانس میں 22 ہزار ایکڑ رقبے پر پھیلے جنگلات آگ کی لپیٹ میں ہیں۔
Advertisement
برطانوی محکمہ موسمیات نے نے پیر یعنی آج متوقع گرم ترین دن کے باعث ریڈ وارننگ جاری کردی ہے جبکہ اسکولوں میں وقت سے پہلے تعطیلات پر غورکیا جارہا ہے۔
برطانوی حکام نے لوگوں کو ٹھنڈی جگہوں پر رہنے اوربغیر ضرورت گھروں سے نہ نکلنے کی ہدایت جاری کی ہیں۔