انٹرنیشنلاہم خبریں

بھارتی وزیراعظم مودی کی تصویر کچرے میں، خاکروب برطرف

By admin
76
Print Friendly, PDF & Email

بھارتی ریاست اتر پردیش کے ضلع متھرا میں محکمہ صفائی کا ایک خاکروب اس وقت اپنی نوکری سے ہاتھ دھو بیٹھا جب ایک وائرل وڈیو میں اسے کچرا گاڑی میں وزیراعظم نریندر مودی اور ریاست کے وزیراعلیٰ یوگی آدتیہ ناتھ کی تصاویر کو لے جاتے ہوئے دیکھا گیا۔ اس وڈیو کے سامنے آنے کے فوری بعد 40 سالہ خاکروب بوبی کی کنٹریکٹ ملازمت ختم کر دی گئی۔

میونسپل کارپوریشن کے حکام کے سامنے خاکروب نے یہ وضاحت پیش کی کہ اُس نے تمام کچرا ایک کوڑے دان سے اٹھایا تھا اور وہ بے قصور ہے کیونکہ ان پڑھ ہونے کے باعث وہ تصاویر کی شناخت نہیں کر سکا۔ اس پر حکام نے صفائی سے متعلق مقامی انسپکٹر اور سینٹری سپروائزر کو بھی شوکاز نوٹس جاری کر دیا کہ انہوں نے معزز شخصیات کی تصاویر کے بارے میں ملازمین کو ضروری ہدایات کیوں نہیں دیں۔ حکام نے واقعے کی مزید تحقیقات کا بھی حکم دیا ہے۔

Advertisement

متھرا کے ضلعی میونسپل کمشنر انونیا جھا نے بھارتی ميڈیا سے بات کرتے ہوئے کہا کہ اس معاملے میں ایک فیکٹ فائنڈنگ کمیٹی تشکیل دی گئی ہے جسے 48 گھنٹوں کے اندر رپورٹ پیش کرنے کا کہا گیا ہے۔ کمیٹی کی رپورٹ آنے کے بعد حتمی فیصلہ کیا جائے گا۔ ایڈیشنل کمشنر ستیندر تیواری کا کہنا تھا کہ اِس معاملے میں لاپروائی برتنے کے الزام میں خاکروب بوبی کی ملازمت ختم کر دی گئی ہے، اُس نے کچرا گاڑی میں ڈالنے سے پہلے تصاویر کو کیوں نہیں دیکھا؟

خاکروب بوبی کچرا گاڑی میں کچرا دوسری جگہ منتقل کر رہا تھا جس میں وزیراعظم اور وزیراعلیٰ کی تصاویر بھی تھیں۔ راستے میں دو افراد نے خاکروب کو روکا اور انہوں نے کچرا گاڑی کی وڈیو بنائی۔ وائرل ہونے والی وڈیو میں دیکھا جا سکتا ہے کہ ان لوگوں نے کچرا گاڑی سے تصاویر کو نکال لیا اور بوبی کچرا گاڑی دھکیلتا آگے بڑھ گیا۔ بعد ازاں وڈیو سوشل میڈیا پر خوب شیئر کی گئی۔

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }