متحدہ عرب امارات میں شدید بارشوں کے باعث حکومت نے سرکاری و نجی ملازمین کو گھروں سے کام کرنے کی ہدایت کردی۔
متحدہ عرب امارات کی خبر رساں ایجنسی کے مطابق شارجہ، راس الخیمہ اور فجیرہ میں سرکاری اور نجی اداروں کے ضروری عملے کے سوا دیگر ملازمین کو جمعے تک گھروں سے کام کرنے کی ہدایت کی گئی ہے۔
شدید بارشوں کی وجہ سے شارجہ، راس الخیمہ اور فجیرہ سب سے زیادہ متاثر ہوئے ہیں۔
یو اے ای کی وزارت داخلہ کی جانب سے جاری بیان میں کہا گیا ہے کہ شمال اور مشرق میں شدید بارشوں کے باعث چار ہزار سے زائد افراد کو محفوظ مقامات پر منتقل کیاگیا ہے۔
نیشنل ایمرجنسی کرائسز اینڈ ڈیزاسٹر مینجمنٹ کی جانب سے تقریباً دو ہزار افراد کے لیے 20 ہوٹلوں میں رہائش کا انتظام کیا گیا ہے۔
Advertisement