جزیرہ فرسان میں دوسری اور تیسری صدی عیسویں کے آثارِ قدیمہ دریافت

By admin On اگست 5, 2022

سعودی عرب اور پیرس کے ماہرین نے جازان شہر سے 40 کلومیٹر کے فیصلے پر واقع جزائر فرسان سے دوسری اور تیسری صدی عیسویں کے آثار قدیمہ دریافت کیے ہیں۔

غیر ملکی خبر رساں ادارے کے مطابق پیرس یونیورسٹی کے تعاون سے سعودی عرب اور فرانس کے ماہرین نے جزائر فرسان میں کھدائیاں کی تھیں۔

رپورٹ کے مطابق ان کھدائیوں میں دوسری اور تیسری صدی عیسویں کے آثارِ قدیمہ دریافت ہوئے ہیں جن میں رومن دور کی تانبے سے بنی ہوئی ایک زرۃ بھی شامل ہے۔

رپورٹ میں کہا گیا ہے کہ اسی مقام سے لوریکا سکواماٹا کی طرز کی ایک اور زرۃ بھی ملی ہے جو ملنے والے تمام نودرات میں سب سے اہم ہے۔

رپورٹ کے مطابق پہلی صدی عیسویں سے لے کر تیسری صدی عیسویں تک رومن دور میں یہ زرۃ بہت زیادہ استعمال کی جاتی تھی۔

جزائر فرسان سے ایک چھوٹے سے حجری مجسمے کا سر بھی ملا ہے جبکہ مشرقی رومن شہنشاہیت کی تاریخ سے تعلق رکھنے والی مشہور شخصیت جینوس کے عقیق کا ایک نقش بھی دریافت ہوا ہے۔

واضح رہے کہ جزائر فرسان میں 2011 سے 2020 کے دوران متعدد تاریخی عمارتیں دریافت ہوئی ہیں جس سے یہ شواہد ملے ہیں کہ وہاں 1400 قبل مسیح پرانے تاریخی مقامات موجود ہیں۔