اہم خبریںشوبز/کھیل

بھارتی کھلاڑی شاہین شاہ آفریدی سے خیریت دریافت کرنے پہنچ گئے

By admin
54
Print Friendly, PDF & Email

بھارتی کھلاڑی شاہین شاہ آفریدی سے خیریت دریافت کرنے پہنچ گئے

پاک بھارت میچ سے قبل دونوں ملکوں کے کھلاڑیوں کی آپس میں ملاقاتیں جاری ہیں جب کہ گذشتہ روز بھارتی کھلاڑی انجری کے شکار شاہین شاہ سے خیریت دریافت کرنے پہنچ گئے۔

ٹی ٹوئنٹی ایشیاکپ 2022 کے لیے پاکستان اور بھارت سمیت 6 ٹیمیں دبئی پہنچ گئی ہیں اور اس دوران پاکستان اور بھارت کے کھلاڑیوں کی آپس میں ملاقاتیں بھی جاری ہیں۔

گذشتہ روز انجری کے شکار شاہین شاہ آفریدی جب آرام کررہے تھے تو بھارتی کھلاڑیوں نے ان سے ملاقات کی اور خیریت دریافت کی۔

ملنے والے کھلاڑیوں میں بھارت کے سابق کپتان اور اسٹار بیٹر ویرات کوہلی، یزویندر چاہال، کے ایل راہول، شریاس ایئر اور رشبھ پنٹ شامل تھے۔

بھارتی کھلاڑیوں نے شاہین شاہ آفریدی سے ان کی فٹنس کا پوچھا اور جلد ٹیم میں واپسی کے لیے نیک خواہشات کا اظہار کیا۔ علاوہ ازیں دونوں ملکوں کے کوچنگ اسٹاف کے درمیان بھی خوشگوار ملاقات ہوئی۔

واضح رہے کہ ایشیاکپ 2022 کا آغاز 27 اگست سے ہورہا ہے جب کہ ایونٹ کے لیے پاکستان ٹیم کو شاہین شاہ آفریدی کی خدمات حاصل نہیں تاہم وہ ری ہیب کے لیے ٹیم کے ساتھ موجود ہیں۔

Advertisement

دوسری جانب 24 اگست کو کرکٹ کے دو بڑے نام بابر اعظم اور ویرات کوہلی کی ملاقات ہوئی تھی جس کو کرکٹ شائقین نے خوب سراہا تھا۔

دونوں کھلاڑیوں کی ملاقات کی ویڈیو سوشل میڈیا پر وائرل ہوگئی تھی جب کہ اس ویڈیو کو بھارتی کرکٹ بورڈ کے اکاؤنٹ سے شیئر کیا گیا تھا۔

خیال رہے کہ ایشیاکپ 2022 میں روایتی حریف پاک بھارت کا مقابلہ 28 اگست کو شام 7 بجے دبئی انٹرنیشنل اسٹیڈیم میں کھیلا جائے گا۔

Advertisement

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }