نسیم شاہ نے آخری اوور سے قبل بلا تبدیل کرنے کی وجہ بتادی
شارجہ: ٹی ٹوئنٹی ایشیاکپ کے سپر فور مرحلے میں پاکستان نے نیسم شاہ کے 2 چھکوں کی بدولت افغانستان کو شکست دے دی ہے۔
متحدہ عرب امارات میں ٹی ٹوئنٹی ایشیاکپ 2022 جاری ہے جس کے سپر فور مرحلے میں پاکستان اور افغانستان کی ٹیمیں مدمقابل تھیں۔
اس میچ میں پاکستان نے نسیم شاہ کے 2 چھکوں کی بدولت ناقابل یقین فتح اپنے نام کی جب کہ آخری اوور سے قبل نسیم شاہ نے بلا تبدیل کیا تھا جس کی وجہ انہوں نے بتادی ہے۔
میچ کے اختتام پر روی شاستری نے نسیم شاہ کو گفتگو کے لیے بلوایا جس میں ان کا کہنا تھا کہ ’جب بیٹنگ پر آیا تو معلوم تھا کہ چھکا لگا سکتا ہوں لہذا میں نے کوشش کی اور کامیاب ہوگیا‘۔
بلا تبدیل کرنے کے حوالے سے ان کا کہنا تھا کہ ’میرا بلا ٹھیک نہیں جس کی وجہ سے میں نے ساتھ والے کھلاڑی سے بلا تبدیل کیا اور پھر اس سے چھکے لگے‘۔
انہوں نے مزید کہا یہ میچ یادگار رہے گا اور سب یہ بھول جائیں گے کہ میں ایک بولر ہوں۔
Advertisement
واضح رہے کہ پاکستان نےفائنل میں کوالیفائی کرلیا ہے جس میں ان کا مقابلہ سری لنکا سے ہوگا جب کہ اس میچ میں پاکستان نے 1 وکٹ سے کامیابی حاصل کی ہے۔
Advertisement
افغانستان نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 130 رنز کا ہدف دیا تھا جس کو پاکستان نے آخری اوور میں نسیم شاہ کے دو چھکوں کی بدولت پورا کیا۔
خیال رہے کہ نسیم شاہ نے اس میچ میں 4 گیندوں پر 14 رنز اسکور کیے جب کہ بولنگ میں انہوں نے 19 رنز دے کر 1 کھلاڑی کو آؤٹ کیا تھا۔
Advertisement