اہم خبریںشوبز/کھیل

بھارتی مداح انگلینڈ کی میزبانی میں پاک بھارت سیریز کے خواہشمند

By admin
29
Print Friendly, PDF & Email

بھارتی مداح انگلینڈ کی میزبانی میں پاک بھارت سیریز کے خواہشمند

بھارتی مداحوں نے انگلینڈ کی میزبانی میں پاک بھارت ٹیسٹ سیریز کے لیے اپنی خواہش ظاہر کردی ہے۔

سماجی رابطے کی ویب سائٹ پر بھارتی آرمی کے فینز کلب کی جانب سے انگلینڈ کی میزبانی میں پاک بھارت ٹیسٹ سیریز کے لیے نیک خواہشات کا اظہار کیا گیا ہے۔

بھارتی فینز کلب ’دی بھرت آرمی‘ کی جانب سے ٹوئٹ کیا گیا ہے جس میں انہوں نے کہا کہ ’ہم ایک دن پاکستان کا سفر کرنا پسند کریں گے‘۔

انہوں نے مزید لکھا کہ ’ہم ایک دن کراچی اور لاہور کے اسٹینڈز سے اپنی پیاری ٹیم انڈیا کو سپورٹ کریں گے لیکن اگر ایسا ممکن نہ ہو تو اسے انگلینڈ منتقل کردیا جائے‘۔

واضح رہے کہ انگلینڈ نے پاک بھارت ٹیسٹ سیریز اپنے ملک میں کروانے کی پیشکش کی ہے۔

رپورٹس کے مطابق انگلینڈ نے غیر جانبدار میزبان بننے کی پیشکش کی ہے جب کہ ان خیالات کا اظہار ای سی بی کے ڈپٹی چیئرمین مارٹن ڈارلو نے پاکستان میں جاری ٹی ٹوئنٹی سیریز کے دوران پی سی بی سے کیا ہے۔

Advertisement

رپورٹس کے مطابق بھارت اس تجویز کو قبول کرسکتا ہے کیونکہ ان کے لیے غیر جانبدار میدان پر پاکستان سے کھیلنا سیاسی طور پر زیادہ قابل قبول ہے۔

دوسری جانب یہ بھی رپورٹس ہیں کہ پی سی بی بھارت سے غیر جانبدار مقام پر کھیلنے کے لیے رضامند نہیں ہے تاہم انہوں نے ای سی بی کی پیشکش پر ان کا شکریہ ادا کیا ہے۔

Advertisement

واضح رہے کہ دونوں ممالک کی ٹیمیں آئی سی سی اور ایشین ایونٹس میں باقاعدگی سے ایک دوسرے کے خلاف کھیلتے رہے ہیں۔

Advertisement

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.