بھارت میں جاری لیجنڈز لیگ کرکٹ کے دوسرے سیزن میں بھیلواڑہ کنگز اور انڈیا کیپٹلز کے مابین میچ میں مچل جانسن نے یوسف پٹھان کو دھکا دے دیا۔
تفصیلات کے مطابق اس واقعہ کا ایک ویڈیو اب سوشل میڈیا پر وائرل ہو رہا ہے۔ ویڈیو میں یوسف کو جانسن کے ساتھ بحث کرتے ہوئے دیکھا جا سکتا ہے اور پھر فاسٹ باؤلر نے انہیں زور سے دھکا دیتے ہیں۔
Things got heated up between Yusuf Pathan and Mitchel Johnson 🤯 pic.twitter.com/6KODIrqAaF
— Mishra (@the__klingon) October 2, 2022
Advertisement
لیجنڈز لیگ کرکٹ 2022 کے دوسرے سیزن میں اتوار کو جودھ پور کے برکت اللہ خان اسٹیڈیم میں کھیلے گئے بھیلواڑہ کنگز اور انڈیا کیپٹلز کے درمیان میچ کے دوران میدان میں موجود آل راؤنڈر یوسف پٹھان اور مچل جانسن کے درمیان زبانی جنگ ہاتھا پائی تک پہنچ گئی۔
اس کے فوراً بعد امپائر کو دونوں کھلاڑیوں کے درمیان مداخلت کرنا پڑی اور وہ جانسن کو دوسری طرف لے گئے۔
ذرائع نے خبر رساں ادارے کو بتایا کہ جو کچھ ہوا اس سے منتظمین بالکل خوش نہیں ہیں اور آئی سی سی کے قوانین کے مطابق جانسن پر میچ کے لئے پابندی لگانے کا منصوبہ بنا رہے ہیں ۔
اس دوران نیوزی لینڈ کے سابق کپتان راس ٹیلر اور ویسٹ انڈیز کے اسٹار ایشلے نرس کی نصف سنچریوں کی بدولت انڈیا کیپٹلز نے بھیلواڑہ کنگز کو چار وکٹوں سے شکست دے کر فائنل میں جگہ بنالی ۔
Advertisement