اہم خبریںشوبز/کھیل

خوشدل شاہ پر صارفین کے ’پرچی پرچی‘ کے نعرے، امام الحق حمایت میں آگئے

By admin
63
Print Friendly, PDF & Email

خوشدل شاہ پر صارفین کے ’پرچی پرچی‘ کے نعرے، امام الحق حمایت میں آگئے

ساتویں ٹی ٹوئنٹی میچ میں خوشدل شاہ کے آؤٹ ہونے پر صارفین نے ’پرچی پرچی‘ کے نعرے لگانا شروع کردیے۔

پاکستان اور انگلینڈ کی کرکٹ ٹیموں کے درمیان 7 ٹی ٹوئنٹی میچز پر مشتمل سیریز کھیلی گئی جس میں پاکستان کو 3-4 سے شکست کا سامنا کرنا پڑا۔

قومی ٹیم کی سیریز میں شکست پر صارفین سخت ناراض ہیں اور سوشل میڈٰیا پر تنقید کا سلسلہ جاری ہے، کوئی ٹیم کی فیلڈنگ پر اعتراض اٹھارہا ہے تو کوئی مڈل آرڈر بیٹنگ پر سوالات اٹھا رہا ہے۔

گذشتہ روز میچ کے دوران خوشدل شاہ کے آؤٹ ہونے پر شائقین نے ’پرچی پرچی‘ کے نعرے لگائے جس پر قومی کرکٹر سمیت صارفین نے افسوس کا اظہار کیا۔

قومی ٹیم کے بیٹر امام الحق نے سماجی رابطے کی سائٹ پر خوشدل شاہ کی ویڈیو شیئر کرتے ہوئے لکھا کہ ’میری کرکٹ شائقین سے درخواست ہے کہ وہ کھلاڑیوں پر آوازیں نہ کسیں‘۔

انہوں نے لکھا کہ ’آوازیں کسنے سے کھلاڑیوں کی صحت پر برے اثرات پڑتے ہیں، نتیجہ کچھ بھی ہو لیکن آپ شائقین جس طرح ہمیں سپورٹ کرتے ہیں اسی طرح سپورٹ کرنے کی کوشش کریں‘۔

انہوں نے مزید لکھا کہ ’ہم آپ کے لیے اور ملک کے لیے ہی کھیلتے ہیں‘۔

Advertisement

علاوہ ازیں سوشل صارفین کا افسوس کا اظہار کرتے ہوئے کہنا تھا کہ ’’آپ خوشدل کی کارکردگی پر تنقید کرسکتے ہیں لیکن اس طرح ہزاروں لوگوں کا ’پرچی پرچی‘ کا نعرہ لگانا درست نہیں‘۔

Advertisement

اس موقع پر خرم اقبال نامی صارف نے تحریک انصاف کے رہنما فواد چوہدری کی کرکٹ کھیلنے کی ویڈیو شیئر کی جس کو شیئر کرتے ہوئے ان کا کہنا تھا کہ ’آج ٹیم میں انہیں ہی کھلا لیتے کم از کم ہمیں چھکے تو دیکھنے کو ملتے‘۔

موسیٰ ورک نامی صارف کا بھی فواد چوہدری کی ویڈیو شیئر کرتے ہوئے کہنا تھا کہ ’ہمیں فواد چوہدری جیسے مڈؒل آرڈر بلے باز کی ضرورت ہے‘۔

Advertisement

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }