پنڈی ٹیسٹ؛ شائقین اپنے پسندیدہ پاکستانی کھلاڑی سے کیسے مل سکتے ہیں؟
پی سی بی نے شائقین کرکٹ کے لیے اپنے پسندیدہ کھلاڑی سے ملنے کا موقع فراہم کردیا ہے۔
پاکستان کرکٹ بورڈ (پی سی بی) نے سوشل میڈیا کے ذریعے شائقین کرکٹ کو اپنے اسٹارز کے قریب رکھا ہوا ہے۔
پی سی بی نے ایک باضابطہ تجارتی اسٹور بھی شروع کیا ہے جہاں سے شائقین کرکٹ قومی ٹیم کا پریمیم لباس بھی حاصل کرسکتے ہیں۔
پاکستان اور انگلینڈ کے درمیان پہلا ٹیسٹ یکم دسمبر سے پنڈی کرکٹ اسٹیڈیم میں شروع ہو رہا ہے جس کے ٹکٹس کے فروخت کا سلسلہ بھی شروع ہوگیا ہے۔
دریں اثنا پی سی بی نے پہلے ٹیسٹ کے دوران شائقین کرکٹ کو اپنے پسندیدہ اسٹار سے ملنے کا موقع فراہم کیا ہے۔
Advertisement
Place your order now at https://t.co/TWU32Ta9wL and get a chance to meet your favourite star at the Pindi Cricket Stadium from 1-5 December.#WearYourPassion pic.twitter.com/FHa86GHCWK
— Pakistan Cricket (@TheRealPCB) November 25, 2022
اپنے پسندیدہ اسٹار سے ملنے کے لیے شائقین کرکٹ کو اپنا آرڈر آفیشل اسٹور پر دینا ہوگا اور جیتنے والے خوش قسمت کو اپنے پسندیدہ پاکستانی کھلاڑی سے ملنے کا موقع ملے گا۔
واضح رہے کہ انگلینڈ کے خلاف ٹیسٹ میچز آئی سی سی ورلڈ ٹیسٹ چیمپئن شپ کا حصہ ہیں جب کہ سیریز یکم دسمبر سے 21 دسمبر تک ملک کے تین شہروں میں کھیلی جائے گی۔
سیریز میں شامل دوسرا ٹیسٹ 9 تا 13 دسمبر ملتان میں کھیلا جائے جب کہ تیسرا اور آخری ٹیسٹ 17 تا 21 دسمبر کے دوران کراچی میں شیڈول ہے۔
Advertisement