شیخ محمد بن زاید کی مدد کے ساتھ،کوویڈ وبا کے بعد پاکستان میں پہلی کامیاب پولیو مہم اختتام پزیر

ولی عہد ابو ظہبی وڈپٹی سپریم کمانڈرمسلح افواج متحدہ عرب امارات عزت مآب شیخ محمد بن زاید آل نھیان کے پولیو خاتمے کے عالمی  اقدام کے تحت یو اے ای پاکستان امدادی پروگرام نے اعلان کیا ہے کہ امارات پولیو مہم نے 20 تا 26 جولائی تک پاکستان میں 7لاکھ 22ہزار500 بچوں کوکامیابی سے پولیو کے قطرے پلائے۔کوویڈ-19 کی وبا کے بعد سے اس مہم کودنیا کی پہلی پولیو ویکسی نیشن مہم سمجھا جاتا ہے

۔ یو اے ای پاکستان امدادی پروگرام کے ڈائریکٹر عبداللہ خلیفہ الغفلی نے بتایا کہ یہ اقدام متحدہ عرب امارات کی قیادت کے وبا کو پھیلنے سے روکنے کے لئے عالمی سطح پر تعاون کو مستحکم کرنے کے ساتھ بچوں کی حفاظت اور عالمی سطح پر پولیو کے خاتمے کے عزم کی عکاسی کرتا ہے۔ الغفلی نے مزید بتایا کہ امارات پولیو مہم کے دوران 7لاکھ 22ہزار500 پاکستانی بچوں کو پولیو سے بچاؤ کے قطرے پلائے گئے۔جبکہ ہدف 7لاکھ  66ہزار بچوں کا تھا اس طرح کامیابی کا تناسب 94.3 فیصد ہے۔ انہوں نے کہاکہ پاکستان کے وہ علاقے ہمارا ہدف تھے جن میں پولیو کی وبا پھیل رہی ہے ، اور 2020 میں اب تک ان علاقوں میں پولیو کیسز کی تعداد 60 سے زیادہ ہے۔ ایک ہفتہ جاری رہنے والی مہم سیکیورٹی کے حوالے سے خطرناک علاقوں میں چلائی گئی جن میں جنوبی وزیرستان کے قبائلی علاقے ،

بلوچستان میں کوئٹہ شہر ، پنجاب میں اٹک اور فیصل آباد اور صوبہ سندھ میں کراچی شامل ہیں۔ مہم کے دوران ٹیموں کے لئے احتیاطی تدابیر کے تحت کوویڈ -19 کے ٹیسٹ کرائے گئے اور وبا سے ان کی حفاظت کو یقینی بنایا گیا۔50 سال سے زیادہ عمر کے ہیلتھ ورکرز اور دائمی بیماریوں میں مبتلا افراد اس مہم میں شامل نہیں کئے گئے ۔ اقدامات میں سماجی دوری پر عمل درآمد بھی شامل تھا والدین کو ہدایت کی گئی تھی  وہ اپنے بچوں کو قطرے پلانے سے پہلے اپنے ہاتھ صاف کریں اور ماسک پہنیں ، جو مفت فراہم کئے گئے۔ الغفلی نے اعلان کیا کہ امارات پولیو مہم پاکستان کے 85 علاقوں میں 17 اگست 2020 کو نئی 10 روزہ مہم شروع کرے گی جس میں 1کروڑ55لاکھ،26ہزار بچوں کو پولیو ویکسین پلائی جائے گی (نیوزبشکریہ وام یواے ا ی)۔۔۔۔۔۔۔۔