فخر تربیتی کیمپ میں شامل، اسامہ میر اور افتخار کو استثنیٰ دے دیا گیا۔

اسپنرز کا خصوصی کیمپ کل ہفتہ سے نیشنل کرکٹ اکیڈمی میں شروع ہوگا۔

خاص طور پر تیار کیے گئے اس کیمپ میں کھلاڑی وسیع سیشنز سے گزریں گے جو اگلے ماہ سری لنکا کے خلاف دو ٹیسٹ میچوں کی سیریز سے قبل مشکل حالات میں ان کی مہارتوں اور فٹنس کو جانچیں گے۔

عابد علی اور فخر زمان کو کیمپ میں شامل کیا گیا ہے جبکہ اسامہ میر اور افتخار احمد کو کیمپ سے استثنیٰ دیا گیا ہے۔

آل راؤنڈر فہیم اشرف کو بھی 16 سے 21 جون تک چلنے والے فاسٹ بولرز کیمپ سے استثنیٰ دیا گیا ہے۔

اسپن باؤلنگ کیمپ کے کھلاڑی:

اسپنرز – ابرار احمد، علی اسفند، عرفات منہاس، فیصل اکرم، محمد جنید، مہران ممتاز، مبصر خان، نعمان علی، قاسم اکرم، ساجد خان، سفیان مقیم اور زاہد محمود

بلے باز – عبداللہ شفیق، عابد علی، فخر زمان، حارث سہیل، حسیب اللہ، حسین طلعت، امام الحق، کامران غلام، محمد حارث، محمد ہریرہ، عمیر بن یوسف، صائم ایوب، سلمان علی آغا، سعود شکیل اور طیب طاہر