پاکستان شوبز انڈسٹری سے وابستہ عالمی شہرت یافتہ خوبرو اور ورسٹائل اداکارہ سجل علی نے اپنے اور اداکارہ مریم انصاری کے درمیان دوستی کے بندھن کو یاد کرتے ہوئے ماضی کی تصویر شیئر کر دی۔
سجل علی کی بہن اور اداکارہ صبور علی کی شادی اداکار علی انصاری سے ہونے کے بعد ان کی بہن مریم انصاری اور سجل علی کی پُرانی دوستی اب رشتے داری میں تبدیل ہوچکی ہے۔
فوٹو اینڈ ویڈیو شیئرنگ پلیٹ فارم انسٹاگرام پر اداکارہ سجل علی نے ایک فین پیج کی پوسٹ کو ری شیئر کیا اور اپنی اور مریم انصاری کی 6 سالہ پُرانی دوستی کو یاد کیا۔
انسٹا اسٹوری میں شیئر کیے گئے کولاج میں ان دونوں تصاویر میں سجل علی اپنی دوست مریم انصاری کے ہمراہ موجود ہیں۔ اس کے ساتھ کیپشن میں انہوں نے لکھا کہ ’یہ دیکھو، مجھے کیا ملا۔۔۔ 6 سال پُرانی تصویر، دوستی سے رشتے داری کا سفر‘۔
ان دونوں کی یہ تصویر اس بات کی عکاسی کرتی ہے کہ کچھ رشتے وقت کے ساتھ مزید مضبوط ہو جاتے ہیں۔ انسٹااسٹوری میں اداکارہ نے بھارتی فلم ’کپور اینڈ سنز‘ کا گانا ’یہ بدھو سا من ہے‘ پس منظر میں لگایا۔