زبیدہ جلال کی امارات کے وزیر مملکت برائے دفاع سے ملاقات

کورونا وائرس چیلنجز کے باوجود نمائش کے کامیاب انعقاد پر یو اے ای کی قیادت کو مبارک باد(زبیدہ جلال)۔

  ابوظہبی(اردوویکلی)::۔وفاقی وزیربرائے دفاعی پیداوارپاکستان زبیدہ جلال کی ابوظہبی میں منعقدہونے والی بین الاقوامی دفاعی نمائش وکانفرنس   اور نیول ڈیفنس اینڈ میری ٹائم سکیورٹی ایگزیبیشن (Idex/Navdex) کی تقریبات میں شرکت۔سفارت خانہ پاکستان ابوظہبی کی جانب سے جاری کی گئی پریس ریلیز کے مطابق وزیردفاعی پیداوار4روزہ سرکاری دورے پرمتحدہ عرب امارات پہنچییں، زبیدہ جلال نے نمائش میں پاکستانی دفاعی کمپنیوں کے  ڈسپلے اسٹینڈکا دورہ کیا اور بہترین انتظامات پرعملے کے افراد کی کوششوں کو سراہا۔ زبیدہ جلال نےحالیہ سرکاری دورے کے دوران یواے ای کے وزیرمملکت برائے دفاع محمداحمدالباوردی سے ملاقات کی جس میں سفیرپاکستان افضال محموداوردفاعی اتاشی علی   عاشربھی موجودتھے۔

 زبیدہ جلال نے متحدہ عرب امارات کی قیادت کو پاکستان کے وزیراعظم کی جانب سے خیرسگالی کا پیغام پہنچایا۔اور کوروناوباچیلنجزکے باوجودبین الاقوامی دفاعی نمائش آئیڈکس اورنیول ڈیفنس ومیری ٹائم سیکیورٹی نمائش نیوڈکس کے کامیاب انعقادپریواے ای کی قیادت کومبارکباد     پیش کی زبیدہ جلال نے دفاعی پیداوار کے شعبے میں مل کر کام کرنے اور دونوں ممالک کے تعلقات کومزیدمضبوط بنانے کے عزم کااظہارکیا۔یواے ای کے وزیرمملکت برائے دفاع محمداحمدالباوردی نے نمائش میں بھرپورشرکت کرنے پرپاکستان کی وزیردفاعی پیداواراورحکومت پاکستان کاشکریہ اداکیااورکہاکہ اس سے دونوں ممالک کے تعلقات مزیدمستحکم ہونگے۔