پاکستان بزنس کونسل دبئی کے زیر اہتمام سپیڈ نیٹ ورکنگ ایونٹ کے دوسرے ایڈیشن کا انعقاد۔
تقریب کے مہمان خصوصی قونصل جنرل دبئی حسین محمدتھے۔
دبئی (اردوویکلی)::پاکستان بزنس کونسل دبئی کے زیراہتمام سپیڈنیٹ ورکنگ ایونٹ کے دوسرے ایڈیشن کاانعقادپاکستان ایسوسی ایشن دبئی میں کیاگیا۔قونصل جنرل دبئی حسین محمد تقریب کے مہمان خصوصی تھے تقریب کے اس خصوصی ایڈیشن کا اہتمام پاکستان کے یوم آزادی کی مناسبت سے کیا گیا تھا، جس میں مختلف شعبوں سے تعلق رکھنے والے پاکستانی پیشہ ور افراد، کاروباری شخصیات اور کاروباری رہنماؤں کی ایک بڑی تعدادنے تقریب میں شرکت کی۔
پاکستان بزنس کونسل دبئی کی جانب سے منعقدہ اس پلیٹ فارم نے متحدہ عرب امارات میں پاکستانی کمیونٹی کے اندر آپس میں جڑنے، تعاون کرنے اور کاروباری تعلقات کو فروغ دینے کا موقع فراہم کیا۔ قونصل جنرل نے ایک کامیاب اور منظم نیٹ ورکنگ ایونٹ کے انعقاد پر پاکستان بزنس کونسل دبئی کی انتظامیہ اور بورڈ ممبران کی کوششوں کوسراہا۔انہوں نے کہا کہ اس طرح کے اقدامات پیشہ ور برادری کے اندر روابط استوار کرتے ہیں اور اقتصادی مواقع کو متحرک کرتے ہیں۔قونصل جنرل حسین محمد نے شرکا کی حوصلہ افزائی کی کہ وہ متحدہ عرب امارات میں پاکستان کی برآمدات کو بڑھانے کے لیے اجتماعی طور پر کام کریں، اور پاکستانی کاروباری اداروں کے درمیان تعاون اور علم کے تبادلے کی اہمیت پر زور دیا۔چئیرمین پاکستان بزنس کونسل دبئی شبیر مرچنٹ نے اس طرح کے نیٹ ورکنگ ایونٹس کی اہمیت پر روشنی ڈالی تاکہ شرکاء کو ان کے کاروباری نیٹ ورکس کو وسعت دینے، اختراعی خیالات کے تبادلے اور روابط استوار کرنے کے لیے ایک پلیٹ فارم فراہم کیا جا سکے۔۔تقریب کے دوران پاکستان کے یوم آزادی کی مناسبت سے تیارکردہ خصوصی کیک بھی کاٹاگیا۔
