پاکستان میں حالیہ سیلاب کی وجہ سے یواے ای میں یومِ آزادی کی تمام تقریبات ملتوی کر دی گئی ہیں۔
پاکستانی کمیونٹی سے اپیل ہے کہ وہ متاثرین کی مددکے لیئے ہرممکن تعاون کریں(سفیرپاکستان)
ابوظہبی(اردوویکلی)::سفیرِ پاکستان برائے متحدہ عرب امارات فیصل نیاز ترمذی نے حالیہ سیلاب کے باعث پاکستان کے مختلف علاقوں بشمول خیبر پختونخواہ کے اضلاع بونیر، باجوڑ،شانگلہ،مانسہرہ و دیگر علاقوں اور کشمیر و گلگت بلتستان میں قیمتی جانوں اور گھروں کے ضیاع پر گہرے دکھ اور افسوس کا اظہار کیا ہے۔ انہوں نے کہا کہ یہ المیہ نہ صرف متاثرہ خاندانوں بلکہ پوری قوم کے لیے ایک کڑا امتحان ہے۔
سفیرِ پاکستان نے متحدہ عرب امارت میں بسنے والی پاکستانی کمیونٹی سے اپیل کی ہے کہ دکھ کی اس گھڑی میں ہم وطنوں کے ساتھ کھڑے ہوں، غم بانٹیں اور ہر ممکن تعاون کریں۔ انہوں نے مزید کہا کہ اس افسوسناک سانحے کے پیشِ متاثرہ خاندانوں کے ساتھ یکجہتی کا اظہار کرتے ہوئے متحدہ عرب امارت میں پاکستان کے 78ویں یومِ آزادی کی مناسبت سے منعقد ہونے والی تقریبات ملتوی کر دی گئی ہیں۔اللہ تعالیٰ مرحومین کی مغفرت فرمائے اور لواحقین کو صبرِ جمیل عطا کرے۔
