انٹرنیشنلاہم خبریں

ٹوئٹر خریدنے کے بعد ایلون مسک کا دنیا کے بڑے سافٹ ڈرنک برانڈ پر طنز

By admin
90
Print Friendly, PDF & Email

دنیا کی معروف ترین مائیکرو بلاگنگ ویب سائٹ ٹوئٹر کو 44 ارب امریکی ڈالر میں خریدنے کے بعد دولت کے نشے میں چُور ایلون مسک نے فوراً ہی دنیا  کے بڑے سافٹ ڈرنک برانڈ پر طنز کر ڈالا۔ ویسے کسی نے درست ہی کہا ہے کہ ۔۔ پیسے کی ریل پیل عیب کو بھی خُوبی میں بدل دیتی ہے۔

اپنی بے بہا دولت کے ساتھ ساتھ اپنے طنزیہ بیانات کے حوالے سے پہچانے جانے والے ایلون مسک نے ٹویٹ کیا کہ اُن کا اگلا ہدف معروف سافٹ ڈرنک برانڈ کوکا کولا ہے تاکہ وہ اُس میں کوکین دوبارہ شامل کر سکیں۔

واضح رہے کہ دنیا کے قدیم سافٹ ڈرنک برانڈ کوکا کولا بنانے والی کمپنی جس کی بنیاد 1886ء میں رکھی گئی تھی، ابتدا میں اپنے مشروب میں کوکین شامل کرتی تھی کیونکہ تب اِسے مختلف بیماریوں کے لیے بطور ٹانک استعمال کیا جاتا تھا۔

تاہم ٹویٹ کرتے ہوئے ایلون شاید بھول گئے کہ کوکا کولا کی حالیہ مارکیٹ ویلیو 284 ارب ڈالر ہے اور ایلون کے کُل اثاثے فی الحال 253 ارب ڈالر ہیں۔

اگرچہ ایلون مسک نے 5 سال قبل ٹوئٹر کو خریدنے کے حوالے سے بھی کامیڈین ڈیو اسمتھ کے ساتھ ایک ٹویٹ ہی کیا تھا لیکن آج وہ اپنے اُس مذاق کو حقیقت کا روپ دے چکے ہیں۔ لہٰذا کافی حد تک ممکن ہے کہ وہ واقعی اپنے اس مذاق کے حوالے سے بھی سنجیدہ ہی ہوں۔

دنیا کی سب سے بڑی الیکٹرک کار ساز کمپنی کے مالک اور صاحبِ ثروت افراد کو مریخ پر بھیجنے والے کھرب پتی ایلون مسک کے لیے، جن کی حسِ مزاح میں بھی کاروباری سوچ ہی پوشیدہ ہوتی ہے ۔۔ کچھ بھی ناممکن نہیں۔

بہرحال ٹوئٹر صارفین بھی ایلون مسک کے ٹویٹ پر دلچسپ تبصروں میں مصروف ہو گئے ہیں۔ ایوا فاکس نامی ایک صارف نے مزاحیہ ٹویٹ کیا کہ اُن کے دادا نے کہا، ’’ ہم اپنے دور میں 3 گنا زیادہ محنت سے کام کرتے تھے‘‘ جس پر ایوا نے اپنے دادا کو جواب دیا کہ، ’’ آپ کے دور میں کوکا کولا میں کوکین شامل ہوتی تھی‘‘۔

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }