آئی پی ایل کے مکمل ہونے کے بعدبورڈ آف کنٹرول فار کرکٹ ان انڈیا (بی سی سی آئی) کی توجہ اب بین الاقوامی کرکٹ کی طرف مبذول ہو گئی ہے اور اس نے بھارتی کھلاڑیوں سے کہا ہے کہ وہ 5 جون نئی دہلی پہنچیں۔
تفصیلات کے مطابق جنوبی افریقہ کے خلاف بین الاقوامی سیریز کے لئے پیغامات پیر (30 مئی) کو بھیجے گئے تھے اور 9 جون کو دارالحکومت میں ہونے والے پہلے میچ سے قبل ٹیم کے چند پریکٹس سیشن ہوں گے۔
بی سی سی آئی نے پہلے ہی 18 رکنی اسکواڈ کا اعلان کر دیا ہے جس میں کے ایل راہول بطور کپتان اور رشبھ پنت نائب کپتان ہیں۔
ٹیم 12 جون کو کٹک، 14 جون کو ویزاگ، 17 جون کو راجکوٹ اور آخر میں 19 جون کو بنگلور میں سیریز کے دوسرے چار میچ کھیلے گی۔
دہلی ڈسٹرکٹ کرکٹ ایسوسی ایشن (ڈی ڈی سی اے) کے ایک شخص نے 5 جون کو بھارتی ٹیم کے اسمبلی اجلاس کی تصدیق کی ہے۔
Advertisement
کرکٹ جنوبی افریقہ (سی ایس اے ) نے کہا کہ ٹیمبا باوما کی ٹیم، جس میں آئی پی ایل کی فاتح ٹیم گجرات ٹائٹنز کے اسٹار بلے باز ڈیوڈ ملر بھی شامل ہیں، 2 جون کو دہلی پہنچیں گے۔
بھارتی اسکواڈ میں کے ایل راہول (کپتان)، رتوراج گائیکواڑ، ایشان کشن، دیپک ہڈا، شریاس آئیر، رشبھ پنت (نائب کپتان)، دنیش کارتک (وکٹ کیپر)، ہاردک پانڈیا، وینکٹیش آئیر، یوزویندر چہل، کلدیپ یادو، اکسر پٹیل، روی بشنوئی، بھونیشور کمار، ہرشل پٹیل، اویش خان، ارشدیپ سنگھ اور عمران ملک شامل ہیں۔
جنوبی افریقہ کے اسکواڈ میں ٹیمبا باووما (کپتان )، کوئنٹن ڈی کوک، ریزا ہینڈرکس، ہینرک کلاسن، کیشو مہاراج، ایڈن مارکرم، ڈیوڈ ملر، لونگی نگیڈی، اینریچ نورٹجے، وین پارنیل، ڈوین پریٹوریس، کاگیسو ربادا، تبریز شمسی، ٹرسٹان اسٹبس، را ڈوسنس اور مارکو جانسن شامل ہیں۔