اہم خبریںشوبز/کھیل

ناٹنگھم ٹیسٹ میں انگلینڈ کی جیت کے بعد جذباتی مناظر

By admin
101
Print Friendly, PDF & Email

ناٹنگھم ٹیسٹ میں انگلینڈ کی جیت کے بعد جذباتی مناظر

ناٹنگھم ٹیسٹ انگلینڈ کی جیت کے بعد جذباتی مناظر دیکھنے کو ملے جب انگلینڈ کے کپتان بین اسٹوکس نے گراؤنڈ میں بیٹھی اپنی والدہ کو گلے لگالیا۔

انگلینڈ اور نیوزی لینڈ کی ٹیموں کے درمیان ناٹنگھم میں ٹیسٹ سیریز کھیلی جارہی ہے جس کے دوسرے میچ میں انگلینڈ نے سنسنی خیز مقابلے کے بعد نیوزی لینڈ کو 5 وکٹوں سے شکست دے دی ہے۔

انگلینڈ کی جیت میں اہم کردار کپتان بین اسٹوکس اور جونی بیرسٹو نے ادا کیا، دونوں کھلاڑیوں نے اپنی جارحانہ بیٹنگ کے بدولت انگلینڈ کو مسلسل شکستوں کے بعد جیت دلوائی ہے۔

میچ کے آخری روز انگلینڈ کو 72 اوورز میں 299 رنز کا ہدف ملا تھا جس کو بین اسٹوکس اور بیرسٹو کی دھواں دھار بیٹنگ کی بدولت انگلینڈ نے 50 اوورز میں پورا کرلیا تھا۔

Advertisement

اس اننگ میں کپتان بین اسٹوکس نے 70 گیندوں پر 75 رنز اسکور کیے جبکہ بیرسٹو نے 92 گیندوں پر سنچری اسکور کرتے ہوئے 136 رنز بنائے۔

میچ جیتنے کے بعد گراؤنڈ میں ہمیں جذباتی مناظر دیکھنے کو ملے جب بین اسٹوکس نے گراؤنڈ میں بیٹھی اپنی ماں کو گلے لگایا جس پر سوشل میڈیا صارفین نے بھی اپنے ردعمل کا اظہار کیا ہے۔

ایک صارف نے لکھا کہ اگر خوش قسمتی سے آپ کی والدہ آج زندہ ہیں تو انہیں اتنا ہنسائیں جتنا بین اسٹوکس نے اپنی کپتانی میں پہلی سیریز جیتنے کے بعد اپنی والدہ کو ہنسایا ہے۔

ایک اور صارف کا کہنا تھا کہ اسی چیز کے لیے ہی تو جیتے ہیں، اپنے والدین کو فخر محسوس کروانے کے لیے۔

واضح رہے کہ دونوں ٹیموں کے درمیان ٹیسٹ سیریز کا تیسرا اور آخری میچ 23 جون سے ہیڈنگلے میں کھیلا جائے گا جبکہ اس دوران انگلینڈ کی ٹیم 17 جون سے 22 جون تک نیدرلینڈ سے ون ڈے سیریز کھیلے گی۔

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }