قطر کی حکومت نے فیفا ورلڈ کپ کے لوگو والی نقل نمبر پلیٹ کی گاڑیوں میں استعمال کو ممنوع قرار دے دیا ہے۔
تفصیلات کے مطابق قطر نے اتوار کو عام لوگوں کو فیفا ورلڈ کپ قطر 2022 کے لوگو کے ساتھ گاڑیوں کی غیر مجاز لائسنس پلیٹوں کے استعمال کے خلاف خبردار کیا۔
بین الاقوامی میڈیا کے مطابق قطر نے اتوار کو عام لوگوں کو فیفا ورلڈ کپ قطر 2022 کے لوگو کے ساتھ گاڑیوں کی غیر مجاز لائسنس پلیٹوں کے استعمال کے خلاف خبردار کیا۔
واضح رہے کہ قطر نے شوقین افراد کے لئے درجنوں مخصوص نمبر پلیٹس کو لاکھوں ڈالرز میں فروخت کیا ہے۔
قطر کی وزارت داخلہ نے اپنے ایک ٹوئٹ میں شہریوں کو خبردار کرتے ہوئے کہا کہ خلاف ورزی کرنے والوں کو قانونی کارروائی کا سامنا کرنا پڑے گا۔
وزارت داخلہ نے مزید کہا کہ ورلڈ کپ کے لوگو پر مشتمل پلیٹیں ایک خاص ورژن ہیں جو فیفا کے ساتھ مل کر مخصوص شرائط و ضوابط کے مطابق جاری کی جاتی ہیں.
Advertisement
واضح رہے کہ ورلڈ کپ کے لوگو والی پچاس لائسنس پلیٹیں مئی میں نیلامی کے لیے پیش کی گئیں، جس میں سب سے مہنگی ایک 1.8 ملین قطری ریال میں فروخت ہوئی۔
یاد رہے کہ گزشتہ ماہ قطری حکام نے کہا تھا کہ فیفا سے پیشگی منظوری حاصل کیے بغیر فیفا ورلڈ کپ قطر 2022 کے لوگو والے کپڑوں کی فروخت کو فروغ دینے پر پانچ افراد کو گرفتار کیا گیا، جو فیفا کے ٹریڈ مارک کی نقل تیار کر رہے تھے۔
قطری حکام نے گزشتہ سال پرفیوم بنانے والی ایک فیکٹری پر بھی چھاپہ مارا تھا، جہاں ورلڈ کپ کے لوگو والی برانڈڈ بوتلوں میں پرفیوم بھرا جانا تھا
فیفا عالمی فٹ بال کی گورننگ باڈی ہے اور قطر 21 نومبر سے 18 دسمبر کے درمیان ورلڈ کپ کی میزبانی کرے گا۔