امریکہ میں یونیورسٹی کو ارسال کردہ پیکج میں دھماکے سے ایک ملازم زخمی ہوگیا۔
امریکی میڈیا کی رپورٹ کے مطابق امریکہ کی نارتھ ایسٹرن یونیورسٹی میں پیکج دھماکے سے یونیورسٹی کا ایک 45 سالہ ملازم زخمی ہوگیا۔
پولیس کے مطابق دوسرا پیکج بھی برآمد کرکے قبضے میں لے لیا گیا ہے۔ تاہم پولیس نے یہ نہیں بتایا کہ مزید کتنے پیکجز یونیورسٹی میں بھیجے گئے تھے۔
پولیس چیف نے نیوز کانفرنس کرتے ہوئے بتایا کہ اسی طرح کا ایک اور پیکج برآمد کیا گیا تھا جسے بم اسکواڈ نے کلیئر قرار دے دیاہے۔
واقعے کے بعد یونیورسٹی کی چھ عمارتوں میں ہونے والی شام کی تمام کلاسز معطل کردی گئیں۔
Advertisement
پولیس نے ہاورڈ یونیورسٹی اور ایم آئی ٹی کو بھی خبردار رہنے اور کسی بھی قسم کا پیکج ملنے کی صورت میں اطلاع دینے کی ہدایت کی ہے۔
Advertisement