بھارت کے ابھرتے ہوئے کھلاڑی سرفراز خان نے سچن ٹنڈولکر کے نقش قدم پر چلنا شروع کر دیا ہے، اور فرسٹ کلاس کرکٹ میں رنز کے انبار لگا دیئے ہیں۔
سرفراز خان نے رانجی ٹرافی میں رنز بنانے کا سلسلہ جاری رکھتے ہوئے، اتراکھنڈ کے خلاف دوسرے کوارٹر فائنل کے دوسرے دن ممبئی کو قابو میں کرنے کے لیے ایک اور سنچری بنائی۔
سرفراز خان چار میچوں کی 5 اننگز میں پہلے ہی 140.80 کی ناقابل یقین اوسط سے 704 رنز بنا چکا ہے، جس میں تین سنچریاں اور ایک نصف سنچری شامل ہے۔
رانجی ٹرافی کے اس سیزن میں ان کا 275 بہترین اسکور ہے اور ممبئی کو ناک آؤٹ تک پہنچانے میں ان کا اہم کردار رہا ہے۔
منگل کو سرفراز خان 205 گیندوں پر 153 رنز بنا کر آؤٹ ہوئے، اس اننگز میں 14 چوکے اور چار چھکے شامل تھے۔
بلے کے ساتھ سرفراز کے کارناموں نے ٹوئٹر پر آگ لگا دی جب مداحوں اور صحافیوں نے ان کی تعریف کی، بعض مداحوں نے سرفراز خان کو رنز بنانے کی مشین قرار دیا ہے۔
Advertisement
عالمی وباء کورونا سے متاثر سال 2020 سے، سرفراز خان نے رانجی ٹرافی کے 10 میچز کھیلے ہیں، جن میں اتراکھنڈ کے خلاف جاری کوارٹر فائنل بھی شامل ہے، اور ان کا ریکارڈ بالکل سنسنی خیز ہے۔