چینی وزیر خارجہ کا کہنا ہے کہ ہمارے خطے کا مستقبل ہمارے ہاتھوں میں ہونا چاہیے۔
چینی وزیر خارجہ نے انڈونیشیا میں آسیان (ایسوسی ایشن آف ساؤتھ ایسٹ ایشین نیشنز) کے سیکریٹریٹ سے خطاب کرتے ہوئے کہا کہ ایشیائی ممالک عالمی طاقتوں کے ہاتھوں شطرنج کے مہرے نہ بنیں، ہمارے خطے کا مستقبل ہمارے ہاتھوں میں ہونا چاہیئے۔
چینی وزیر خارجہ کا کہنا تھا کہ خطے کے بہت سے ممالک پر فریق بننے کے لیے دباؤ ہے، خطے کو جغرافیائی سیاسی اعتبار سے الگ رکھنا چاہیے۔
انہوں نے مزید کہا کہ چین نے چند روز قبل افغانستان کے لیے تجارتی اور سرمایہ کاری کے منصوبوں کا اعلان کیا۔ زلزلہ زدگان کی امداد کے لیے 37 ملین ڈالرز بھی دیے جائیں گے۔
چین کی جانب سے کہا گیا تھا کہ افغانستان کے لیے ہمارے پاس اقتصادی تعمیرنو کے طویل المدتی منصوبے ہیں جس میں تجارت کو ترجیح دی جائے گی۔
Advertisement