اہم خبریںشوبز/کھیل

ویسٹ انڈین بیٹنگ لائن ناکام، بنگلادیش کی دوسرے ون ڈے میں بھی فتح

By admin
45
Print Friendly, PDF & Email

بیٹنگ لائن ایک بار پھر ناکام ، ویسٹ انڈین ٹیم بنگلادیش کے ہاتھوں ایک اور شکست سے دوچار ہوگئی۔

تفصیلات کے مطابق دوسرے ایک روزہ میچ میں مہمان ٹیم بنگلا دیش نے ٹاس جیت کر پہلے فیلڈنگ کرنے کا فیصلہ کیا جو درست ثابت ہوا۔

ویسٹ انڈیز نے انتہائی سست آغاز کیا اور پہلے پاور پلے میں 3 سے بھی کم کی اوسط سے رنز اسکور کیے۔گیارہویں اوور میں 27 کے مجموعی اسکور پر کائل مایرز 17 رنز بناکر آؤٹ ہوئے تو کوئی بھی کھلاڑی پھر جم کر نہ کھیل سکا۔

ویسٹ انڈیز کی پوری ٹیم 35 اوورز میں 108 رنز پر آل آؤٹ ہوگئی ۔

کیمو پال سب سے زیادہ 25 رنز بناکر ناقابل شکست رہے جبکہ شائے ہوپ 18،رومان پاول 13 اور برینڈن کنگ 11 رنز بناکر آؤٹ ہوئے۔

Advertisement

ان کے علاوہ کوئی دیگر کھلاڑی ڈبل فیگرز میں داخل نہ ہوسکا۔

بنگلادیش کی جانب سے مہدی حسن میراز نے 4، نسوم احمد نے 3 جبکہ مصدق حسین اور شورف السلام نے ایک ایک وکٹ حاصل کی۔

جواب میں بنگلادیش نے مقررہ ہدف اکیسویں اوور میں باآسانی ایک وکٹ کے نقصان پر حاصل کرلیا۔

کپتان تمیم اقبال 50 اور  لٹن داس 32 رنز بناکر ناٹ آؤٹ رہے جبکہ نجم الحسن شنتو 20 رنز بناکر آؤٹ ہوئے۔

ویسٹ انڈیز کی جانب سے بنگلادیش کی واحد وکٹ گوداکیش موتی نے حاصل کی۔

واضح رہے کہ بنگلادیش کو تین ایک روزہ میچز کی سیریز میں 0-2 صفر کی ناقابل شکست برتری حاصل ہوگئی ہے۔

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }