انگلینڈکرکٹ ٹیم کے سیکیورٹی وفد نے پنجاب سیف سٹی اتھارٹی کا دورہ کیا۔
ترجمان سیف سٹی اتھارٹی کے مطابق پی سی بی حکام سمیت 4 رکنی برطانوی سیکیورٹی ٹیم نے پنجاب سیف سٹی اتھارٹی کا دورہ کیا۔
برطانوی سیکیورٹی وفد میں رچرڈ اسنوبال، رابرٹ لنچ، جان کار اور ریگ ڈیکاسن شامل تھے۔
پنجاب سیف سٹی اتھارٹی کے چیف آپریٹنگ آفیسر محمد کامران خان نے برطانوی سیکیورٹی وفد کو بریفنگ دی۔ برطانوی سیکیورٹی ٹیم نے شہر بھر میں نصب کیمروں سے مانیٹرنگ کے عمل کا بھی جائزہ لیا۔
ترجمان سیف سٹی اتھارٹی نے بتایا کہ سیکیورٹی ٹیم کو ایئر پورٹ اور اسٹیڈیم روٹس،ہوٹلز،پارکنگ اور پولیس فورس کے انتظامات کے بارے میں بریفنگ دی گئی۔
Advertisement
انگلش سیکیورٹی وفد کوپاکستان کا دورہ کرنے والی ٹیموں کو دی جانے والی سیکیورٹی کی ویڈیوز بھی دکھائی گئیں اور جدید ٹیکنالوجی کے استعمال و قانون نافذ کرنے والے اداروں کے تعاون سے متعلق بھی بتایا گیا۔
انگلینڈ کے سیکیورٹی وفد نے پنجاب سیف سٹی اتھارٹی کے سیکیورٹی انتظامات پر اطمینان کا اظہار کیا۔