پاکستان نے کھیلوں کی دنیا میں ایک اور اعزاز اپنے نام کر لیا
گوجرانوالہ سے تعلق رکھنے والے سعد راجپوت نے رومانیہ میں ہونے والے ساتویں کلچرل فیسٹیول میں ماس ریسلنگ کے فائنل میں اسپین کو شکست دے دی ہے۔
پاکستان کے شہر گوجرانوالہ کے علاقے ایمن آباد کے رہائشی سعد راجپوت نے ماس ریسلنگ کے فائنل میچ میں 2-0 پوائنٹ سے جیت حاصل کرلی ہے۔
گولڈ میڈل جیتنے والے سعد راجپوت کے گھر جشن کا سماں ہے جب کہ گاؤں والے پھول اور مٹھائیاں لے کر مبارک باد دینے سعد راجپوت کے گھر پہنچ گئے ہیں۔
گاؤں والوں ڈھول کی تھاپ پر بھنگڑے ڈال کر خوشی کا اظہار کررہے ہیں۔
اس موقع پر سعد راجپوت کے والد کا کہنا ہے کہ ہمارے لیے بڑے فخر کی بات ہے کہ بیٹے نے پاکستانی پرچم سربلند کر دیا، پوری قوم کو مبارک ہو۔
Advertisement