مقبوضہ کشمیر: بھارتی فوجیوں کی کارروائی میں 2 شہری زخمی
سری نگر: مقبوضہ جموں و کشمیر پر قابض بھارتی فوجیوں نے اپنی تازہ کارروائی میں 2 کشمیری زخمی کردیے ہیں۔
کشمیر میڈیا سروس کی رپورٹ کے مطابق غیر قانونی طور پربھارت کے زیر قبضہ جموں و کشمیر میں بھارتی فوجیوں نے جنوبی کشمیر کے ضلع کولگام میں تلاشی اور محاصرے کی کارروائی کے دوران 2 شہریوں کو گولی مار کر زخمی کر دیا ہے۔
رپورٹ میں کہا گیا ہے کہ بھارتی فوج، سینٹرل ریزروپولیس فورس اور پولیس کے اہلکاروں کی مشترکہ ٹیم نے ضلع کے علاقے بٹ پورہ میں تلاشی اور محاصرے کی کارروائی کے دوران شہریوں کو گولی مار کر شدید زخمی کیا ہے۔
آخری اطلاعات ملنے تک علاقے میں فوجی کارروائی جاری تھی۔
Advertisement