انٹرنیشنلاہم خبریں

کینیڈا میں دیلوالی کی تقریبات کے دوران خالصتان کے حق میں بینرز آویزاں

By admin
123
Print Friendly, PDF & Email

کینیڈا میں دیلوالی کی تقریبات کے دوران خالصتان کے حق میں بینرز آویزاں

کینیڈا میں دیلوالی کی تقریبات کے دوران خالصتان کے حق میں بینرز آویزاں

اوٹاوا: کینیڈا کے شہر مسی ساگا میں دیوالی کی تقریبات جاری تھیں کہ بھارتی تارکین وطن آپس میں لڑپڑے جب کہ اس موقع پر سکھوں نے خالصتان کے حق میں بینرز آویزاں کردیے۔

غیر ملکی خبر رساں ادارے کے مطابق کینیڈا کے شہر مسی ساگا میں دیوالی تقریبات کے دوران بھارتی نژاد کینیڈٰین اور خالصتان علیحدگی پسند تحریک کے ارکان آپس میں لڑ پڑے۔

رپورٹ میں کہا گیا ہے کہ یہ لڑائی مسی ساگا کے علاقے مالٹن میں ہوئی جس کی ایک ویڈیو سوشل میڈیا پر بھی وائرل ہو رہی ہے۔

ویڈیو میں دیکھا جاسکتا ہے کہ پولیس اہلکار دیوالی کی تقریب میں آپس میں گتھم گھتا ہجوم کو الگ کرنے کی کوشش کر رہے ہیں۔

رپورٹ کے مطابق ایک گروپ نے دیوالی کی تقریبات کے دوران بھارتی پرچم لہرایا جب کہ دوسرے نے بھارتی پنجاب میں سکھوں کے لیے علیحدہ وطن خالصتان کی حمایت میں بینرز اٹھا رکھے تھے۔

کینیڈین پولیس کے مطابق جھگڑوں میں ایک شخص زخمی ہوا جس کو طبی امداد کے لیے قریبی اسپتال منتقل کردیا گیا تھا۔

مقامی میڈیا سے بات کرتے ہوئے ایک پولیس اہلکار کا کہنا تھا کہ لڑنے والے لوگ الگ تھے اور پورا گروپ اس لڑائی میں شامل نہیں تھا۔

انہوں نے بتایا کہ جب ہم وہاں پہنچے تو ایک بڑا ہجوم موجود تھا اور بہت سارے لوگ چیخ رہے تھے، جب تک ہم نے ہجوم کو منتشر نہیں کردیا تب تک پولیس علاقے میں ہی موجود تھی۔

شاید آپ یہ بھی پسند کریں مصنف سے زیادہ
جواب چھوڑیں

آپ کا ای میل ایڈریس شائع نہیں کیا جائے گا.

@media print { body { color: inherit; /* Ensures that the color is maintained */ } }