سماجی رابطے کی مشہور ویب سائٹ ٹوئٹر نے بلیو ٹک حاصل کرنے کے خواہش مند صارفین سے 20 ڈالر کی فیس لینے کا منصوبہ بنا لیا ہے۔
تفصیلات کے مطابق ارب پتی مسک نے کہا ہے کہ ٹوئٹر کی سائٹ لاگ آؤٹ ہونے والے صارفین کو ایکسپلور پیج پر ری ڈائریکٹ کیا جائے جو ٹرینڈنگ ٹویٹس دکھاتا ہے۔
ایک معروف ویب سائٹ کی ایک رپورٹ کے مطابق ارب پتی ایلون مسک کی ملکیت والا ٹوئٹر فی الحال نئے ٹوئٹر بلیو سبسکرپشن کے لیے 19.99 ڈالرزچارج کرنے کا منصوبہ بنا رہا ہے۔
موجودہ پلان کے تحت تصدیق شدہ صارفین کے پاس سبسکرائب کرنے یا اپنا نیلا چیک مارک کھونے کے لیے 90 دن دیئے جائے گے، جس کے بعد کاروائی ہوسکتی ہے۔
Advertisement
رپورٹ کے مطابق پروجیکٹ پر کام کرنے والے ملازمین کو بتایا گیا کہ انہیں فیچر شروع کرنے کے لیے 7 نومبر کی ڈیڈ لائن کو پورا کرنا ہوگا ورنہ انہیں نوکری سے نکال دیا جائے گا۔
عالمی خبر رساں ادارے کے مطابق ایلون مسک نے اتوار کو ایک ٹوئٹ میں کہا کہ ٹویٹر اپنے تصدیقی عمل (ویریفیکیشن پروسیس) پر نظر ثانی کرے گا۔
واضح رہے کہ چند ہی دن پہلے انھوں نے دنیا کے سب سے بااثر سوشل میڈیا پلیٹ فارم کو اپنے قبضے میں لے لیا۔
رپورٹ میں کہا ہے کہ سی ای او نے کوئی حتمی فیصلہ نہیں کیا ہے اور اس منصوبے کو اب بھی ختم کیا جا سکتا ہے، لیکن ٹیکنالوجی نیوز لیٹر پلیٹ فارمر کے مطابق امکان ہے کہ اب ویریفیکیشن ٹوئٹر بلیو کا حصہ بن جائے گی۔
یاد رہے کہ ٹوئٹر بلیو کو پچھلے سال جون میں پلیٹ فارم کی پہلی سبسکرپشن سروس کے طور پر شروع کیا گیا تھا جو ماہانہ سبسکرپشن کی بنیاد پر پریمیم فیچر تک خصوصی رسائی فراہم کرتا ہے جس میں ٹویٹس میں ترمیم کرنے کی خصوصیت بھی شامل ہے۔
ٹویٹس میں ترمیم کرنے کا فیچر بھی اس ماہ کے شروع میں دستیاب کیا گیا تھا جب مسک نے اپریل میں ٹوئٹر پول کا استعمال کرتے ہوئے اپنے لاکھوں صارفین سے پوچھا کہ کیا وہ ترمیم کا بٹن چاہتے ہیں، 70 فیصد سے زیادہ صارفین نے ہاں کہا تھا۔
ارب پتی مسک نے یہ بھی کہا ہے کہ ٹویٹر کی سائٹ لاگ آؤٹ ہونے والے صارفین کو ایکسپلور پیج پر ری ڈائریکٹ کیا جائے جو ٹرینڈنگ ٹویٹس دکھاتا ہے.