پاک انگلینڈ ٹیسٹ سیریز کے لیے قومی ٹیم میں بڑی تبدیلیوں کا امکان

By admin On نومبر 21, 2022

انگلینڈ کے خلاف دسمبر میں ہونے والی ٹیسٹ ہوم سیریز کے لیے پاکستانی ٹیم میں بڑی تبدیلیاں متوقع ہیں۔

بلوچستان کے نوجوان وکٹ کیپر حسیب اللہ کو انگلینڈ کے خلاف ہوم ٹیسٹ سیریز کے لیے وکٹ کیپر محمد رضوان کے ساتھ ٹیم میں موقع دیا جا سکتا ہے۔

سرفراز احمد کو قومی ٹیم سے ڈراپ کیے جانے کا امکان ہے۔ لیگ اسپنر یاسر شاہ کو ناقص کارکردگی کے باعث ڈراپ کردیا گیا ہے اور ان کی جگہ نوجوان اسپنر ابرار احمد کو ٹیم میں شامل کرنے پر غور کیا جارہا ہے۔

اسپن بولنگ میں محمد نواز اور نعمان علی پر انحصار کیا جارہا ہے جب کہ فاسٹ بولر محمد عباس ڈومیسٹک سائیڈ میں مسلسل کارکردگی کے بعد واپسی کریں گے۔

فاسٹ بولر میں حسن علی، نسیم شاہ، حارث رؤف اور شاہ نواز دھانی پر انحصار ہوگا جب کہ شاہین شاہ آفریدی کی جگہ اب حارث رؤف پاکستان کی بولنگ لائن اپ کے اہم ہتھیار ہوں گے۔

حارث رؤف اس ٹیسٹ سیریز میں ڈیبیو کریں گے جب کہ آل راؤنڈرز میں عامر جمال یا فہیم اشرف کا انتخاب کیا جائے گا۔

پاکستان کی بیٹنگ لائن میں کوئی بڑی تبدیلی نہیں آئی ہے، محمد رضوان کے ساتھ اظہر علی، شان مسعود، امام الحق، بابر اعظم شامل ہیں

واضح رہے کہ انگلینڈ کے خلاف اہم ٹیسٹ سیریز کے لیے قومی ٹیم کا اعلان ایک دو روز میں متوقع ہے۔