متحدہ عرب امارات نے افغان دارالحکومت کابل کے مغرب میں بم حملے سے مسجد کو نشانہ بنانے اور اس کے نتیجے میں درجنوں بے گناہ شہریوں کی اموات اور زخمی ہونے کے واقعہ کی شدید مذمت کی ہے – وزارت امور خارجہ و بین الاقوامی تعاون کی طرف سے جاری بیان کے مطابق متحدہ عرب امارات ایسے مجرمانہ فعل کی سختی سے مذمت کرتا ہے ، وہ سلامتی و استحکام کو نقصان پہنچانے والے ہر قسم کے تشدد اور دہشت گردی کو مکمل مسترد کرتا ہے ، ایسے تمام واقعات ہر قسم کے مذہبی اور انسانی اقدار و اصولوں کے مکمل منافی ہیں – بیان میں متاثرہ خاندانوں سے دلی تعزیت کا اظہار کرتے ہوئے زخمیوں کی جلد صحتیابی کیلئے نیک خواہشات کا اظہار بھی کیا گیا ہے