متحدہ عرب امارات نے اسرائیلی میڈیا میں شائع ہونے والی ان خبروں کی تردید کی ہے جن میں کہا گیا ہے کہ متحدہ عرب امارات اور اسرائیل نے حال ہی میں امریکہ کے کے ساتھ داخلی سلامتی کے بارے میں مفاہمت کی ایک یادداشت پر دستخط کیے ہیں۔ وزارت خارجہ اور بین الاقوامی تعاون میں بین الاقوامی سلامتی تعاون کے شعبے کے ڈائریکٹر سالم محمدالزعابی نے بتایا ہےکہ اس معاہدے کا بنیادی مقصد ٹیکنالوجی، مصنوعی ذہانت، صحت اور تعلیم کے شعبوں میں معاشی اور سائنسی تعلقات استوار کرنا ہے۔ بیان میں کہا گیا ہےکہ یہ سیکورٹی معاہدوں کے دائرہ کار میں نہیں آتاہے۔ بعض ذرائع ابلاغ میں یہ دعوی کیا گیا ہے کہ سیکورٹی معاہدے کو جلد حتمی شکل دینے کے لئے دونوں ممالک کے مابین وزارتی سطح پر رابطے شروع کردیئے گئے ہیں۔ سالم الزعابی نے درست، غیر جانبداراور قابل اعتماد ذرائع سے خبروں کے حصول پر زور دیتے ہوئے ان اطلاعات کو مکمل طور پر غلط قرار دیا ہے۔ ابوظبی،(وام) ۔۔