پنجاب اسمبلی کی نئی عمارت کاافتتاح

لاہور(اردوویکلی)::گزشتہ ہفتہ پیرکے روز حکومت پنجاب نے اپنا تیسرا بجٹ پیش کرکے اس ایوان کا افتتاح کیا۔نئی عمارت کی تعمیر پنجاب اسمبلی کی پرانی عمارت کے عقب میں کی گئی ہے۔ اس منصوبے کا سنگ بنیاد جنوری 2006 میں اس وقت کے وزیراعلیٰ پنجاب چوہدری پرویز الٰہی نے رکھا تھا جبکہ اس کی تعمیر کے باقاعدہ آغاز کی منظوری 2005 میں ہوئی تھی۔اس منصوبے پر ابتدائی لاگت کا تخمینہ 80 کروڑ روپے لگایا گیا تھا۔ اس پر دو سالوں میں 80 فیصد کام مکمل ہوگیا تھا مگر جب 2008 میں مسلم لیگ (ق) کی عام انتخابات میں شکست کے بعد پنجاب میں مسلم لیگ ن کی حکومت قائم ہوئی۔ تونئی حکومت نے اس منصوبے پر کام بندکرادیا جب صوبے اور وفاق میں پاکستان تحریک انصاف (پی ٹی آئی) نے 2018 کے عام انتخابات میں کامیابی حاصل کی تو پنجاب میں چوہدری پرویز الٰہی کو سپیکر پنجاب اسمبلی منتخب کیا گیا۔انہوں نے عہدہ سنبھالتے ہی ایوان میں ارکان کے لیے جگہ کی قلت کے پیش نظر وزیراعلیٰ پنجاب عثمان بزدار کو اس منصوبے پر دوبارہ کام شروع کرنے کی سفارش کی جو منظورکرلی گئی اورکام کادوبارہ آغازہوگیا۔صوبہ پنجاب کی اسمبلی کو اپنی طرز کا منفرد ایوان قرار دیا جا رہا ہے اور سپیکر پنجاب اسمبلی چوہدری پرویز الٰہی کے مطابق اس میں 500 اراکین جبکہ 800 مہمانوں کے بیٹھنے کی گنجائش ہے۔اسمبلی عمارت پرخرچ بارے مختلف اور متضاد اعداد و شمار سامنے آ رہے ہیں۔مگراسپیکر پنجاب اسمبلی چوہدری پرویز الٰہی کے مطابق اسمبلی کی عمارت پر پانچ ارب 39 کروڑ روپے صرف ہوئے ہیں۔ دوسری جانب منصوبے کی تکمیل کی جو مدت 18 ماہ مقرر کی گئی تھی، وہ پھیل کر سات برسوں پر محیط ہو گئی۔’ایشیا کا سب سے بڑا ایوان‘1934 میں 150 اراکین اسمبلی کے لیے قائم کی جانے والی پنجاب اسمبلی کی پرانی عمارت ارکان کے لیے  کم پڑ گئی تھی، متعدد بار حلقہ بندیوں اور آبادی بڑھنے پر حلقوں اور مخصوص نشستوں میں اضافہ کی وجہ سے اراکین پنجاب اسمبلی کی تعداد مسلسل بڑھتی رہی جو گذشتہ کئی سالوں سے 372 تک پہنچ چکی ہے۔سپیکر پنجاب اسمبلی چوہدری پرویز الٰہی کا دعوی ہے کہ پنجاب اسمبلی کا نیا ایوان ایشیا کا سب سے بڑا ایوان ہے کیونکہ اس میں 500 اراکین جبکہ 800 مہمانوں کے بیٹھنے کی گنجائش ہے۔ان کا کہنا ہے کہ اس ایوان کو جدید ٹیکنالوجی سے آراستہ کیا گیا ہے۔ عمارت کے افتتاح پر سابق وزیراعلیٰ پنجاب چوہدری پرویز الٰہی کی تختی لگائی جارہی ہے، جس پر سنگ بنیاد کی تاریخ یعنی 27 جنوری 2006 درج کی گئی ہے۔ 14جون 2021کوسپیکرپنجاب اسمبلی چوہدری پرویزالہی نے بجٹ اجلاس کی صدارات کی اس موقع پروزیراعلی پنجاب اسمبلی عثمان بزدار،وزیرخزانہ حماداظہر،وزیرقانون راجہ بشارت اورممبرصوبائی اسمبلی پنجاب چوہدری عبداللہ یوسف وڑائچ نمایاں نظرآرہے ہیں۔