سفیر فیصل نیاز ترمذی کی متحدہ عرب امارات کے وزیر انصاف سے ملاقات
ابوظہبی(نیوزڈیسک)::متحدہ عرب امارات میں پاکستان کے سفیر فیصل نیاز ترمذی نے ابوظہبی میں وزیرانصاف جناب عبداللہ بن سلطان بن عوض النعیمی سے انکےوزارت انصاف آفس میں الوداعی ملاقات کی۔
عزت مآب النعیمی نےسفیرپاکستان کا استقبال کرتے ہوئے، پاکستان اور متحدہ عرب امارات کے درمیان گہرے اور تاریخی تعلقات پر روشنی ڈالی۔ انہوں نے متحدہ عرب امارات میں اپنے دور میں دوطرفہ تعلقات کو مزید مضبوط بنانے میں سفیرفیصل نیاز ترمذی کی سرشار کوششوں کو سراہا۔
سفیرفیصل نیاز ترمذی نے متحدہ عرب امارات کی قیادت اور اس کے عوام کی حمایت، سخاوت اور مہمان نوازی پر ان کا تہہ دل سے شکریہ ادا کیا۔ سفیر نے کہا، "میں متحدہ عرب امارات میں اپنے پورے دور میں میرے ساتھ گرمجوشی اور تعاون کا تہہ دل سے مشکور ہوں۔”ملاقات میں دوطرفہ تعلقات کو مزید فروغ دینے کا بھی جائزہ لیا گیا، خاص طور پر دونوں برادر ممالک کے درمیان عدالتی تعاون پر توجہ دی گئی۔ ملاقات کے دوران دونوں اطراف کے اعلیٰ حکام موجود تھے۔
