پاکستان کرکٹ ٹیم کے فاسٹ بولر حسن علی کا کہنا ہے کہ جنوبی افریقہ کے سابق بلے باز اے بی ڈی ویلیئرز کی وکٹ لینا ان کے کیریئر کی اب تک کی سب سے یادگار وکٹ ہے۔
تفصیلات کے مطابق فی الحال حسن علی کاؤنٹی چیمپئین شپ میں لنکاشائر کے لیے کھیل رہے ہیں، جہاں وہ دونوں ڈویژنز میں سب سے زیادہ وکٹیں لینے والے بولر ہیں۔
حسن علی نے پاکستان سپر لیگ میں ڈی ویلیئرز کے ساتھ اپنے مقابلے کو یاد کیا ۔
حسن علی نے ٹورنامنٹ کے 2019 ایڈیشن میں دبئی اسٹیڈیم میں لاہور قلندرز کے خلاف پشاور زلمی کی جانب سے کھیلتے ہوئے تجربہ کار ڈی ویلیئرز کو آؤٹ کیا۔
حسن علی کا کہنا تھا کہ میری سب سے یادگار وکٹ اے بی ڈی ویلیئرز کی ہے جب وہ پی ایس ایل میں لاہور قلندرز کی طرف سے کھیل رہے تھے۔
انہوں نے کہا کہ میں پشاور زلمی کی نمائندگی کر رہا تھا اور میں نے انہیں آؤٹ کیا جو خاص تھا۔
واضح رہے کہ اے بی ڈی ویلیئرز نے گزشتہ سال 17 سالہ کیریئر کا خاتمہ کرتے ہوئے تمام طرز کی کرکٹ سے ریٹائرمنٹ کا اعلان کیا تھا۔
2018 میں بین الاقوامی کرکٹ سے ریٹائر ہونے کے بعد سے، ڈی ویلیئرز فرنچائز کرکٹ اور خاص طور پر انڈین پریمیئر لیگ میں باقاعدہ تھے، جہاں وہ رائل چیلنجرز بنگلور کے لیے کھیلتے تھے۔