ویسٹ انڈیز کے خلاف تین ون ڈے میچز کے لئے قومی کرکٹ ٹیم کا اعلان پیر کو ہوگا۔
تفصیلات کے مطابق وکٹ کیپر بلے باز محمد رضوان کو ریسٹ دے کر محمد حارث کو موقع دیا جانے کا امکان ہے جبکہ آل راؤنڈر محمد نواز کی قومی اسکواڈ میں واپسی متوقع ہے۔
سلیکشن کمیٹی شاہین شاہ آفریدی اور حسن علی کو آرام دیئے جانے پر غور کر رہی ہے،قومی سلیکشن کمیٹی کی کپتان اور کوچ سے مشاورت مکمل ہوگئی ہے۔
پاکستان اور ویسٹ انڈیز کے درمیان ون ڈے سیریز 8، 10 اور 12 جون کو کھیلی جائے گی، سیریز پنڈی کرکٹ اسٹیڈیم میں کھیلی جائے گی جبکہ ملتان بیک اپ وینیو ہے۔
Advertisement